影完結婚相喇

尋日終於影咗結婚相...真係好佩服出外景...或者去外地影結婚相的人...我地只係響影樓影...影完成身散哂...

呢間係朋友介紹既...佢地都係幾個月前影完...因為男既算係有要求既人...佢都話ok...就唔會差得去邊...所以我地放棄咗酒樓送既Coupon...

老實講...咁大個女...老實講...真係無諗過可以扮成咁...哈哈哈...同期有另外一Pair影...見到個新娘個造型...真係覺得我果個好靚呀.......唔係讚自己....係要讚個化妝品師...不論個妝、造型都好靚...三個造型...三個都唔同...仲要一個比一個靚...

我朋友今日同我講...之前叫過我一定要指定呢個化妝師...但我就無印象佢講過...真係好好彩....咁啱又係佢化..

其實我之前好擔心...到結婚果日會變成點...而家我唔怕喇....因為除外尋日試過之外...我亦都搵咗個好好既化妝師Maggie...我日日都要睇佢個blog至訓得著....

http://hk.myblog.yahoo.com/redsbeauty/article?mid=4124

睇咗佢近期呢個blog...我真係開心到飛起呀...除咗好鍾意佢既化妝同Set頭外...最欣賞就係佢果份上進既心...其實佢已經化得好好....仲要去不斷咁去進修....真係好勤力...仲有佢果份專業既持堅同執著...好記得佢講一句..."為咗要你果日係最靚既....我會好忍心咁剃你既條眉...既尾...要同你畫靚d"...Maggie...你話點就點啦....我信哂你喇....