愛要及時

終於都有時間開呢個BLOG喇
零八年呢個六月差唔多日日都有場大雨
我亦咁岩係一個趕住返工既清晨見到又一令人心酸既事
又係一隻無家可歸既流浪狗
當時佢成身濕哂 衝住咁過馬路
紅綠燈當時當然係亮住紅色公仔
佢過到一半既時候忽然一架大巴士轉彎入路
差幾CM就撞到佢..
佢過完馬路閃住咁避左去樹底
佢全身震哂...
果一刻我無辦法唔眼紅....
今日可能唔止佢呢隻流浪狗遇到呢類危險...
或者根本每一日都有太多呢類既事情發生
虐待 遺棄 殘殺流浪貓狗 好多時係報章上都會見到



但長久咁落實去幫助佢地既少之有少
令人有衝勁去幫佢地既亦可能係一時三刻既事
因為令人感動既永遠只係短暫
過左一排 件事淡忘左就會冇人再提起
可能你地係因為
"自己都未搞得掂 又點理佢地"
"我仲慘過佢地啊 又有邊個幫我啊?"
"下 野貓野狗 又唔靚 有乜好幫"
"下 野狗咬人既 幫佢都傻既"
人冇左狗 仲可以生存
但狗冇左人 就生存唔到
有養狗既人 望下自己既愛寵再望下街上既流浪貓狗
其實流浪既貓狗同你地屋企既貓狗根本冇乜大分別
可能只係"名種" 同"唔名種" 既分別
更有連名種狗都會遭人遺棄...
比人寵愛過既被遺棄仲危險...  
其實佢地個個都好希望有個屋企 有人錫 唔使再受風吹雨打
但遺憾得唔到一個家既係街上面都要擔驚受怕
比人虐打 虐殺...
更可能聽日流浪貓狗被虐殺既
就係當日人們不負責任既主人們遺棄係街上既寵物
另外未絕育又遭受遺棄既寵物亦都係導致流浪貓狗上升既原因
其實佢地既生命同你地屋企既貓狗都一樣寶貴   同人一樣寶貴
佢地都可以好幫得手  - 唔係又點會有狗醫生 有導盲吠
難聽啲講句 如果他日你或者你屋企人有事
係一隻貓一隻狗幫到佢 救到佢
你又會唔會當佢地係野狗? 定寶物?
我明白社會係現實
但好希望人類有時間既
就去關心同正視流浪貓狗同各動物問題
因為實在太多流浪狗等人類去伸出援手
如果係我地承擔唔起佢地既性命
希望可以透過唔同既途徑去教育兒童-下一代
教育身邊既朋友同親人等等..
希望人類唔好再買動物 去領養都唔好買
去領養都有好多名種貓狗比你選擇
但分分鐘唐貓狗比名種既更乖巧同聽話懂性
唔好再因為一時三刻覺得狗店既可愛得意就買返屋企
你地愈去買 狗店就不停去逼啲狗女生BB
點解我用"逼"呢個字眼 或者好多人都唔知內情
佢地會係狗場不停要狗女繁殖下一代 生到佢地死唯止
唔靚既就殺 即使係靚既 放到去狗店都會幫狗BB打針
令佢地生長速度減慢同活潑啲
唔係點會有咁多人買到病貓病狗
有聽過旺角一啲狗店手法就會知道
當然唔止旺角係咁
其實呢個道理就同買皮草 買象牙一樣
你地唔買 佢地就會停止繁殖貓狗
或者有啲人認為流浪過既貓狗好須要自由
反而放佢地去固定既地方同屋企佢地唔會覺得開心
但我心信自由同安全 幸福 有個溫暖家 佢地會選擇有一個家
人類都鐘意自由 但你地又會唔會選擇做"乞丐"呢?
同一道理 "有頭髮邊個想做喇喱"
我自己都養緊兩隻曾經流浪過
又曾經比街上既人虐打虐待過既流浪狗
雪條岩岩養左兩個幾月唔講佢住
講雪糕啦
雪糕佢本身係一隻好開朗既流浪狗  乜都笑一餐
對人毫無防範


但係碼頭既日子慢慢改變左人佢同佢屋企人既性格
開始見人就吠 見人行路奇奇怪怪就會追住人
碼頭既人熟左佢地既性格知道佢地唔會咬人
就開始攻擊佢地 虐打佢地 木棍 鐵通 魚竿
出盡唔同法寶 原因係佢地要散步 跑步 飯後散心 釣魚  
啲狗阻住佢地條路 所以要打走佢地 佢地愈吠 我就愈打得狠
雪糕就比啲得閒冇野做既中小學生
用火燒佢塊面同頸 同用利器切佢條尾...







當初帶左佢返屋企佢都唔多點笑 仲好驚男人

因為虐待佢同佢屋企人既都係男人為主
但日子耐左 佢依家又開朗返 開心返 成日笑