N 1 面試日

2008年 10月11日               (星期六)

軒軒出世後幾個月, 已經為佢搜集幼稚園資料...四圍問人...上網睇資料, 上BK 八掛下....唔同人有唔同意見

媽媽心目中選擇左數間喜歡的學校, 寄出哂所有報名表...最近已收到2間學校通知面試了~

因為各人意見都不同, 間間學校都有好處和壞處...真係要認真想一想~

不過距離返 N1 還有一年...我選擇了 "間間都去面試" 既心態 (當然只有幾間) , 順便可以親身 "睇" 下間學校, 又可以比軒軒睇下間學校, 起碼要個小朋友"返得開心"

今天, 係第間要面試O既學校...啟思幼稚園

時間: 4:45 PM

我地已經 4:20PM 去到, 到左門口之後排哂長龍交報名費... 交左錢之後就上左課室面試喇...

(去到學校, 竟然比我撞到藍藍, 樂樂豬, 上到課室又見到 BK媽咪)

其實面試好簡單, 只不過比D 玩具小朋友玩, 等老師觀察佢地而已

今日軒軒表現普普通通啦~ 老師好細心同佢玩,佢話軒軒最細個, 要玩D大型D 既玩具佢才會專心D,  仲同佢玩左差唔多15分鐘 tim, 每樣玩具都同佢玩, 唔知結果會點呢 ? (一星期後就會知道了)

間學校真係好大間呀~ 出面有好大既操場, 有好多訓練大肌肉既教材, 又有好多車車, 軒軒見到d 車車好開心呀~

當我排隊交報名費時, 婆婆同軒軒坐車車

哈佬, 軒軒...一陣上去面試喇~ 笑下啦

軒軒拖住婆婆行來行去

學校旁邊有一個魚池, 好多小朋友都睇得好開心

軒軒行平衡木橋 , 同哥哥打招呼

軒軒, 你唸緊咩呀 ?

面試後, 發生左一件好嬲嬲嬲既事....

唸住同軒軒o向學校玩左一陣, 排隊玩多一次"車車"...等左10分鐘, 終於等到一位哥哥讓位比佢玩, 當 "哥哥" 起身比個位佢坐時, 突然有個 "年約 3歲既肥仔" 唔知向邊度沖過來, 坐埋入架車車度... 真係搞錯呀, 有無禮貌 & 家教架 ???

甘我無理由鬧佢架, 唔通抽佢出來咩...

婆婆同我都呆左...婆婆話左佢幾句=> 小朋友, 你唔識排隊咩, 你甘樣太無禮貌喇....

軒軒好可憐甘望實個 "肥仔"...(真係想打巴佢) 最後, 我拖軒軒去另一地方玩, 可憐既軒軒仲用眼尾望實架車車呀 ~

我四圍望都唔見個"肥仔" 既家長, 都唔知有無搞錯,佢甘細個都唔睇實佢...細路仔既禮儀仔係要成人教架...

幸好呢件事睇到軒軒都唔會因為比人搶玩具而發脾氣 ~

返學就最怕發生呢d 事, 怕小朋友爭野玩而打傷對方...唉 @