Club House @ Mega Box FUN FUN FUN

2009 年 7月26 日   (星期日)

早 2 日同靚媽們 MSN ...又講開星期日去邊好....

想游水呀 ! 好想訓練軒軒唔怕水

所以約左RACY, CARRIE, FREDA 向將軍澳某會所出發

點知....CARRIE 因為某 D 搞笑原因唔黎....太過份喇~

FREDA 又無同賢哥帶泳衣...( 所以去左 playroom 玩完就走左了)

~~~~~~~~~~~~~~~~~~~~~~~~~~~~~~~~~~~~

昨晚我已經執好行裝, 準備好軒軒 & 媽媽既游水裝備

好彩有家儀 ee 幫手咋~ 我就輕鬆好多 lu

我地先去 APM - 意粉屋食個早餐 + 午餐

我地 3 個人 ( 我, 家儀, 軒軒)

叫左個 2 人餐....可惜飲完湯已經飽左一大半

食埋個墨魚汁海鮮飯已經飽哂...

@ pizza 最後原個打包拎走 @

由於時間尚早, 意粉屋大把位我地選擇

而家每次同軒軒外出食野, 我最喜歡搵 "卡位"

因為可以阻止佢 " 離場"

今日呢個位超好...除左係 "卡位" +++ " 地鐵位"

不停有地鐵行來行去, 所以我同 ee 食得好舒服

佢又肯食, 又肯坐定定

食飽飽之後, 我地坐地鐵出發....幾個站就到達目的地了

我地首先入 playroom 玩下

賢哥, 琳琳最醒目, 狂玩 slide

軒軒竟然留o向屋仔範圍---> "玩車"

賢哥叫極都唔肯出來...間屋真係甘好玩咩 ?

最後, playroom 清潔時間

家儀 ee 迫佢玩左一次滑梯咋 ~

playroom 清潔時間, 即是游泳池岩岩清潔好

我地同 琳琳一家向泳池出發了

(賢哥....bye bye ...)

由於泳池唔可以影相, 唯有偷偷更衣室影啦..

我地先到戶外泳池玩...軒軒已經開始緊張

最初唔肯下水, 最後都迫到佢落

佢不停拍拍拍....笑笑笑...

但係佢點都唔肯用水泡,,,真係唔明佢點解 ???

琳琳妹妹就超開心, 又踢水, 又拍水

玩左1個鐘之後...唸住入室內泳池玩下,,,,

點知冷氣好凍丫~ 都係走人為妙...

我地已經攰到暈呀 ! 又勁肚餓 tim 丫 ~

可惜 2 位小朋友仍然對 playroom 依依不捨

他們再次殺入 playroom...

軒軒對 "firetruck " 情有獨鐘

門口的小火車...bo bo bo (媽媽已經超齡..)

軒軒發現有d 姐姐 碌緊保齡球...望左勁耐

仲學人 "舉手歡呼"&  "yeah"..(真係搞笑)

你大個小小先帶你來玩啦 ~

離開club house 之後, 我地去左食 tea...

軒軒而家訓左 tim...佢真係太攰喇~

回程時都係挽住軒軒咋 , 因為放唔到佢落車仔呀 !!!

( 好 重 丫 )

回家之後...休息一會兒

再同姨媽, 軒軒, 我 ---- 3個人走去 MEGA BOX "太興" 食晚飯

真係貴得來,,,, 好好食....哈哈 (而且又有卡位)

2 個餐==> $ 12X 蚊  (多謝姨媽)

食飽之後, 我地見到有迪迪尼史力仔遊戲

媽媽貪玩..玩左好多次

軒軒都唔知我搞咩 ....哈哈

去到 Sport Light..軒軒見到d 波波好開心丫 ~

店內有 Elmo 書台, 不過我都係覺得我張 Thomas 靚 d...

軒軒不停將架上貨物放落車....唔通佢同媽媽一樣, 有 "購物狂"

軒軒睇中左 $ 39.90 既車仔....

本來唔想買比佢架,,,可惜佢由頭拎到尾....

我唸住叫佢放返底....

軒軒賣口乖 : 媽咪買車車比博軒, 博軒好開心丫~ 多謝媽咪

.................. 吓.......你甘講...唔通唔買咩 .............

軒軒就快 2 歲喇...同個 2 字影張靚相先 ~

回家之後, 佢仍然攬住架車...訓覺都攬住...

你真係甘鐘意架車車....哈哈