考試日

琴日終於考左grade8.一早起身練左一陣,就去琴行,熟習一下個環境先,夾左一個鐘,我同琴師就去食lunch,返到琴行再練多半個鐘,跟住就登記啦.連個試場主管都認得我,叫我唔好再練scale啦,休息下啦.因為佢見我係琴行行左幾轉.跟住佢同我地傾左一陣計.心情輕鬆左dd.

考啦!!姐姐幫我推門入試場,重加多句good luck!!見到考官Anthony ,haha 佢ok nice既.第一句就問: Ching Yee ,How are you today!咁我都答下佢:very nervous !!跟住佢就同我講有少少緊張係好事黎既.吹左一陣水,就開始啦!!

如果無記錯,第1同第2首歌,有幾粒音炒左(預左啦),好彩無停左或者吹唔到.我想準備吹第3首時,佢問我考唔考oral先,e個時候,緊係唔放過e個機會,偷睇張分紙......只係見到密密麻麻既評語,無寫分數,跟住我話唔洗,想吹埋最後一首先,印象中都係順暢既,不過.....吹得好唔好,就唔知啦!!

接住就係考scale,考官又再問我,要唔要考左oral先,我就答佢唔洗啦(心諗,最無信心既,死都唔考先!!)考scale,比我想像中好,有一個問minor arpeggios吹錯左major arpeggios,但都比機會我吹多次,最好既就係當佢問dominant sevenths in Db時,佢好到提醒我係由Ab開始,我比佢嚇一嚇,所以猶疑左一陣,唔係好接受e個係事實,直到佢講多次dominant sevenths in Db先醒返過黎.Sight reading比我想像深.....太可憐了,但吹到d音,但大細聲無做足.希望可以合格啦e part,因為預左oral o個part係錯鬼曬,無咩信心!!!HAHA走既時候,都係一分都睇唔到....好失望tim!!

出到黎,聽琴師講,佢覺得今次係ok smooth既.希望可以合格啦!!因為最後2 part唔係好有信心,都唔敢多諗啦!!!真係好多謝e位伴琴,佢除左伴琴,重陪左我成個考試過程,真係有d唔好意思(因為我知佢好忙),重收左我一個非常超值既收費(當然係友誼價,相信都係比面我朋友),真係好感激佢.推介!!!因為e個考試已經欠左好多人人情,有好多人為我既考試緊張,又有好多人祝褔我.考e個試我雖然好大壓力,但都係值得既.我同自已講,唔合格唔緊要,因為我已經得到好多好多.