天天的一歲生辰

尋日9月20日係天天既一歲生日，一齊生日既仲有天天既"巴打"來福、Toffy同可樂! 

同平日既星期六一樣，家姐瞓到好晏，本來以為無街去，點知佢突然間彈起身，即興話同我出街慶祝，仲約埋我既死黨Chlody ...

就係咁我地就一齊打的出發喇 .... 開心到爆呀!  

車程好短，話咁快就到，原來係準備搭船去柏麗灣 ... 見未有船，我就周圍行下，識下朋友追下狗咁 .... 咦，呢度唔錯播，最好就係放低d野以作記念到此一遊

口罩呢d野對我黎講一d難度都無，話咁易就整甩啦!

原來去柏麗灣係游水，家姐見我係泳池既表現本來都擔心我唔鍾意，點知我勁high，周圍跑跑跳跳，仲主動衝落水 ....

等我偷左Chlody個玩具先

我仲同隻 Lab 仔玩，不過佢好渣，唔敢落水，我地追來追去，咁佢主人又追來追去，好好笑

天天你望住個海做乜呀?

你估下邊d係我既腳印丫

呢d細細隻咪就係我既腳印囉!

游完水，Chlody仲同我一齊去沖涼，原來一齊去都唔錯，無咁悶丫嘛

咦，我生日無理由細家姐無表示個播 .... 原來佢趁我游水買左個生日蘋果批，你睇幾靚靚!

批批同天天都一樣咁靚

我好想食呀 ........ 唔好再叫我stay啦，我忍唔住喇 ....

係Chlody屋企食完生日批後，今日既慶祝活動都差唔多喇 .... 番到屋企唔到五分鐘我就瞓左lu ...... 唔知日日生日得唔得呢?

後記:

其實我好曳曳，咬爛左家姐個電話，不過好彩生日先逃過一劫咋 .... 不過我好擔心會有人秋後算帳