新生活的第二天

經已返左兩日工

感覺良好, d 同事都 OK, 起碼表面上都無野
事實我都唔會理,總之依家有人教我做野都好開心
最怕係煩到人, 不過我都唔理得咁多, 學野為先

不過佢地講野我就一句都加唔到,
因為佢地既話題我又無咩興趣,
唔緊要, 始終都係第二日, 慢慢呢, 就算無野講都唔緊要,
學到野再搵過份囉!!!!

第一次真真正正做文職野,其實好緊張,
好怕自己做唔呢,(好明顯 N 年前讀既係屎片)
仲有發現自己其實好怕電話響啦,怕要同人溝通啦,
不過我估都係因為我自己咩都唔知,
怕人地問起我唔識處理先會咁,
過多一排等我做熟左認該唔會咁架啦!!

仲有,我 d 同事其實都唔會 OT,
基本上個個都準時走,呢點我最高興!!
我搭車基本上只須要十五分鐘既時間,
今日六點半鐘走,七點十分就返到屋企啦, YEAH !!!!