開心??辛苦??

[6月18日]*

同Helen出去MK睇5:55個場{康州驅魔實錄}
由齣戲一出廣告之後我就超想睇,
等左咁耐,呢日終於睇到la!!超happy!!
我地係開場之前買左好多野食..嘻嘻~~
齣戲D劇情真係好正,好好睇!
7點幾睇完,之後Helen返屋企,我就同老豆去食飯,,
食飽飽就係附近行街,
係兆萬商場買左隻台灣版既Monchhichi
本來想叫老豆買一副我想買好耐既Monchhichi砌圖
不過佢話我成日都係3分鐘熱度,又不切實際
最後只係買左Monchhichi公仔!!
買吾到副砌圖,老豆就同我去波鞋街..
佢話寧願買對波鞋比我實際d~~
佢買比我之餘自己又買左對,,,
佢個對係純啡色,我個對就係黑色但係旁邊有拉鏈軌做襯托
雖然2百幾,不過覺得好特別!!^_^
呢日都算係滿載而歸la!^^

[6月19日]*

起左身之後係到玩電腦,夜晚出左9灣同d fd打邊爐,,,
幾個人坐係到一邊食野一邊猜枚,好好玩,好開心~
點知差吾多食完既時候,吾開心既事就發生左...
楠楠佢因為一d事冇lala喊左出黎,我同幾個男仔都氹左佢好耐...
點知係氹佢期間,媽咪打黎鬧左我一大餐,最後我仲同佢嘈起上黎~
原本開開心心既一餐就因為吾同既人吾同既事而搞到大家吾開心!!
咁樣有咩意思??
同媽咪嘈完之後都冇哂心情,又吾想返屋企
d fd就提議話係德福坐下傾下計..
一傾就傾到2點幾~~個個都散哂,逼於無奈之下我都要返屋企!!
3點幾返到去同個fd傾電話,傾左個幾鐘之後就訓覺~~
唉...依家冇時冇刻都覺得,同朋友一齊既感覺比係屋企溫暖得多,,
至少朋友之間冇咁多既爭執!!!