佢都幾好笑！

因為上星期過左一個好「精彩」一週（忙嘔茄）！所以我請左星期一假，諗住同媽媽去食 buffet！

今日就諗住，一定要執好張書台。但執之前就要去還書，同…買野！其實一直都好想買個可以 scan 既 printer。因為下下都要返公司 scan or copy 野，有時都幾唔方便（尤其我唔想比公司D人知我讀緊書）！所以成日都好想平平地都買一個！所以就去行下黃金！

行完黃金，行下行下，又去買左幾件衫！深水步D衫真係好平，但買一買下又二百！之後行下行下，又去左買我D串珠仔野！

之前成日行開個條街，但我諗多人流既店，一定賣得貴D！上次我都係咁，到買完之後，去食野先搵到間賣得好平！所以咁次我就行去偏D既地方！

點知真係比見到間比平時買個幾間平D，同多D野買！如果真係入貨，可以諗下呢到！但現在仲未買相機，所以無入貨，只係買左少少手工野！

比錢時因為驚唔記得間店個 location ，所以個 staff / 老板羅張 card 片！佢話：我個張定公司個張？
我第一個返應係：你個張定公司個張？有分別咩？
第二個返應係：佢都幾識講笑！
我想信佢都只係悶，所以講句野比大家笑下，又不至於態度輕佻！一個大男人，係到串珠仔，又夠好笑啦！

不過講返間店，又真係幾 OK，睇下有乜辦法可以快D post D野上去賣先！我好等錢洗！