康康: 瞓瞓吓急醒要去廁所! vvvvvvvvv.... 哎呀! 想開埋大添.... 兔媽你又偷影我....醜死怪喇!

動物世界真係好得意, 邊有女孩子咁粗魯o架... 每日我都會見到呢個情境, 樂樂永遠都要做大家姐! 好肉緊呀! 樂樂: 我係大你係細...知道嗎? UNUNUNUN!!!

連日趕工終於完成, 星期六可以响寵物展(亞洲國際博覽館）兔協攤位義賣喇! 喜歡o既朋友仔到時記得要支持呀! 每款得一個咋! 手快有手慢冇o架! 希望多d人鍾意可以賣多d啦!

衝呀衝! 衝呀衝!  康樂咁開心去邊呀? 去玩呀! 客廰變身遊樂場! 好似變型金鋼呀! 其實做兔爸媽真係幾頭痛o架! 因為康樂一悶就攤响地唔跳唔玩...成日要諗d新奇o野比佢哋探吓.......

Loklok: 上星期d人個個都話要睇日全食, 呀! 香港係日偏食先啱!  新聞報導重話要抱住我哋呢d小動物避免受驚喎! 但兔媽日日都抱o架啦...都冇咩唔同姐 Loklok: 其實有咩好睇喎...我都識...