望住你八八掛掛... 望住你懶洋洋... 望住你瞓... 內心都好滿足, 重會忍唔住 maymay 笑...望住你成日都唔覺悶! 呢d唔知係咪叫識欣賞呢! 康康: 媽媽...你咪眼金金望住晒啦, 重偷笑添......

做咗一對公仔... 白色呢個再做多一個吊帶扣.... 可以比我日日掛住 啡色呢個就放响床頭, 好似康康陪住媽媽瞓.....好甜呀!

康康日日夜夜都扮龜瞓地...同一條懶蛇冇分別! 瞓得舒服重會磨牙添... 唔用幾粒糧引吓佢, 佢可以瞓半個鐘都唔起身o架! 唔知其他兔兔會唔會成日自己磨牙呢?

而家日日一放工都雞咁腳走返屋企, 原因係太掛住屋企個寶具囉! 有時都會覺得自己煩, 晚晚都要攬吓佢! 康仔都未必鍾意o架! 一見到你媽媽真係忍唔住要o鍚住你, 你唔好嬲我啦! 康康: 媽媽...

呢段短片係我送比妹妹o既! 唔係...應該係妹妹送比我o既回憶先啱! 要留意歌詞呀! 我知道我會老、會病、會變得冇記性, 只要我睇到呢段片...就可以留住我哋一齊有過o既快樂! 當妳走到終點.....