黑仔

    尋日真係好黑仔，真係從未試過咁黑。

    話說，細佬手機壞左，咁我就比左我那台佢用，我就用番以前那台舊機啦，點知，我唔記得哩台機係唔可以關機教鬧鍾架，搞到我尋日7：30先起身，仲係要阿媽叫我，我先醒呀，癡線架。於是我就九秒九嘅速度洗面刷牙啦，上8點架大佬，再唔快D就死了。

    出門口時已經7：45分了，唉，心諗，哩次遲硬啦，咁我就快D行去車站坐車，點知出事了，可能前一晚落過雨啦，我一扇腳，吖呀，扭親只腳，痛死我。番到公司都已經8：13分了，遲曬到啦，冇計。

    到左公司後，我都醒了，拿拿聲拿支藥酒搽下先，應該冇事的，都唔係幾痛。

    仲有就係，我同個同事一齊去出貨，點知海關死機，D單過唔到，唉，如果4：25分都過唔到嘅就出唔到的了，哩次真係比我開口中，真係過唔到，搞到要今日早上先出到，癡線架。

    放工個時行番屋企都冇咩事，不過晚上就開始有D痛了，於是就再搽D藥酒囉。今日咩事呀？？？黑成咁。