所謂嘅親戚關係

     大家都有意見同唔開心。D親戚激到個個都有怨言，其實咁又係嘅，鬼叫係人哋D親戚咩。
     我哋係公司食飯要扣錢，D親戚就連飯卡都唔洗開，一蚊都唔洗扣。
     我哋上班遲到小小，要扣錢，D親戚有事請假或者去同個女去睇遲番或者唔番，就 一蚊都唔洗扣，點解？因為D親戚佢自己管考勤，係電腦度搞番就OK啦。
我哋每月盤點，做到死死下，D親戚就行行企企，係度睇報紙，唔洗做就有加班費，唉，咁嘅工去邊度揾啦。
     D親戚成日打電話番鄉下，傾個幾兩粒鍾就正常到不得了，我哋間中傾長小小時間就比佢打小報告，話我哋成日挂住傾電話，真係比雷劈。
     去存公積金時，銀行職員指明要企業自己買匯繳書填，點知D親戚就話：“係你哋揾錢嚟洗，去到問佢哋拿嚟填就得啦，我去間間銀行都係架啦。”我先唔會好似D親戚咁面皮咁厚。就連5蚊一本都要挖爛塊面。
     總之一提到D親戚就火，咩都要佢理，唔理關唔關佢事都要理。正一死八婆。
唉，算啦，鬼叫我哋冇親戚關係咩。做嘢啦。