家教

現在社會唔知係唔係因為多數人都生一個小朋友過份溺愛

一或相反生得太多而疏於管教呢 ? ! 真的不知道

不過其實都唔係小朋友係咁

連啲大朋友或者有學識既人都係咁 ~ 無乜禮貎和家教 !

雖然我地個代資源各樣無咁好

又唔係話出身什麼大家族

父母又不是文人

但家教不少得

好慶幸父母從小教懂我們很多禮教

使我們終身受用 !

1. 見到人一定要叫, 去到人屋企一入門口就要叫人

    (我父母都十分開通, 兄弟姐妹間可以叫名,比較親切, 但我姑媽就唔得, 一定要叫阿哥,家姐, 所以我地都唔可以叫表哥表姐既名架 )

(呢啲係習慣, 唔知人地性乜就叫姨姨呀, 叔叔呀之類....呢個習慣真係好好!  因為同人打招呼係基本禮貎)

2. 除咗叫人, 入人屋企第一件事要除鞋

3. 去人屋企食飯唔準"轎"埋雙手等開飯 , 要幫手攞吓碗筷, 食完又要幫手執吓手, 人家唔駛一件事

4. 去人屋企唔準坐人地張牀, 唔準立亂攪人地啲嘢, 唔準入人地房

5. 唔可以隨便用人地屋企電話打比朋友同學, 唔準立亂聽人地屋企電話, 要叫番住個間屋既人聽

6. 用人地洗手間要記得沖厠, 唔準用到人地地方污濁哂 !

7. 係出面唔準講粗口 ( 係屋企講二句都可以既, 不過唔準成為習慣!, 比人掌咀架嗱!)

8. 有人來自己屋企要斟茶比人!

9. 比嘢人要雙手比

10. 要叫人食飯 (以前要叫咗長輩食飯先, 如:姑丈姑媽食飯,姨丈 姨媽食飯...跟住大家食飯. 依家先進咗都要叫一句: 大家食飯 !)

11.食飯唔可以反手义餸

12. 食飯要用隻手查住隻碗 (唔查住會比人問隻手去咗邊 ?)

13. 係出面食飯唔可以飛象過河, 夾唔到就食面前個啲, 或都唔該人夾, 但唔可以叫長輩.

14. 唔準出面過夜就唔駛講

15. 係人地屋企食嘢飲湯唔可以"雜雜"和"su su"聲

呢啲真係要從細做起才能成為習慣啊 !

一個人屋企大有無家教真係會被看出的啊!