聘珍慶愛爸生日@6June09

愛爸星期一舊曆生日

我地提早星期六慶祝

選擇咗讚石山聘珍樓

估唔到市道差還滿座

好彩一早已經訂咗位

我地散叫試吓啲小菜

我地叫咗十一個餸二個甜品

待應落單招呼都不錯

上菜有條有理唔會一次堆哂比你食

分好先上小食跟住上鴨

然後上菜及飯

最後當然係甜品嗱(甜品係即蒸包保來到熱辣辣)

小食: 椒鹽狗肚魚~ 粉好薄,又無乜油,但略嫌啲魚無乜味

         玫瑰炭燒肉~一上枱已經聞都燒肉既香脆味, 個皮真係好鬆脆又香

哎呀，最正個碟一出場就無哂，影唔到呀～　

餸菜: 片皮鴨二食 ~ 雖然隻鴨唔係好大隻,但燒好靚好香,又唔肥膩先最

　　　　　　　　　　　　　正

         鴨絲炒銀芽 ~ 也不錯

          咕嚕肉 ~ 啲肉唔會炸到硬轟轟,不過無乜驚喜

          生啫大魚頭 ~ 沙碢上好惹味, 食到中般都仲熱

          美極什菌炒牛柳粒 ~ 炒得好香好夠味,啲牛柳粒好有牛味

           西蘭花玉帶 ~ 帶子很甜

           雪裡紅肉鬆炒四季豆  ~ 略嫌咸咗少少

           蒜香一品雞 ~ 皮脆肉滑,不過又係咸咗啲

           瑤柱蛋白炒飯 ~ 炒得好乾身和粒粒米都分開

甜品

　　　當然唔少得：　壽包啦～唔會太大個，蓮蓉饀不太甜，食二個都唔漏

　　　擂沙湯圓就遜色～和明閣差幾條街！　不過就平成十幾蚊碟

呢餐總括來講也不錯　

最緊要阿爸鍾意～生日快樂，健康！