09向九州出發＠the escort

最後講到導遊勒

跟團好唔好玩除咗行程/住宿/飲食之外

最緊要就是導遊

導遊帶領成個團既氣氛

做得到大家都可以玩得十分開心

導遊也可以禺工作於娛樂,又何樂而不為呢 ？　

跟過咁多次團，　大致既導遊都ｏｋ　

係一次縱橫老油條，ｏｎ居居，　成日都係度等啲遲到既人

另一次東記陳生古古惑惑　

亦一次縱記黃ｘ發十分風趣可惜専程賣葯～成日係度ｈａｒｄ　ｓｅｌｌ

但大致上都可以　

但今次呢位就認真麻麻
找不到一啲令人滿意的地方

可能導遊不是他自己興趣所致　

點解入行連自己都唔知　

是問何來有ｈｅａｒｔ呢　？

請不要介意對閣下有如此意見 :

對他主觀先入為主是從茶會開始

講真他個樣唔係衰,還有點像羅嘉良(哎呀,羅嘉良都唔係好得好多,嘻~)

不過十分招積傲慢 ,不可一世既樣子

明白樣是生成, 可能個人好, 但觀其乎說話和面部表情就一點也不討好

茶會連那邊天氣也沒有向客人講述,都是客人問先醒覺, 但講咗等於無講,


希望不會是他帶既團~

真的是他帶既團

出發前一日接到他的電話

都無講番時間集合


行程中更覺他沒mood帶團

唔知會唔會個團得十個人既關係 ？

頭二日好像有點被迫既感覺

行為上不積極

似佢去旅行多過我地

有啲景點和落雨既時候沒有和我們同到景點

這位真是第一位

沒有到景點也沒所謂

最賤係居然我地上車後先話個觀景台正面影係影得唔靚,要係側面二面才可清楚影到鬼之洗板 !

oｈ！　你唔好架車番到酒店先再講！　你鹵味丫　！

好彩我地醒目仔女識影唧

有啲團友唔係架嘛　！　　

其實導遊除咗帶人上機過關安排飲食車輛，酒店ｃｈｅｃｋｉｎ　

都仲有好多嘢架嘛，當地介紹唔少得，有咩地道美食唔少得，有時真係連攝影師都做埋架嘛

但係先生你好多景點都無同我地一齊去　

九州團多數悠悠，　而且時間十分充裕　

我地比較行得慢，每每佢企係前方等著我們時

他那招積樣居然擺出一副十分令人不安既冷笑樣　

老實講我唔覺佢係善意囉

可能真係同佢個樣有關掛

老實講雖然係咁，佢都係打份工

我地出去玩既唔會當導遊係僕人

每每他派什麼東西

在他手接過我也會說聲”唔該”（其他團友真的沒有，香港人既禮貎真的越來越少）

最後想人給你讚賞必先想想自己有什麼可叫人讚賞

連比問卷人都要迫人係二十分鐘車程中填回？？？？


有無事呀你先生 ?

駕車開緊點填呀？咁緊要既一係早一日比人,一係上飛機先填

如此行為,直頭想人求其乜都話ok嗱

唔好意思,我絶對唔會咁做

而且唔會係車度填,影響眼睛

佢真都未落車就收～～　我係未填呀，吹呀！　

我咪答佢：填唔到喎，會頭暈眼花架喎！

佢仲要問: 幾個都暈呀! (哈哈哈....好好笑呵! 痴!)

都低能! 緊係一式四份架嗱

佢無乎,咪話:唔緊要啦,係飛機先填嗱

唉,見等上機有時間填埋比佢條友勒

一式四份,不過意見就各有不同

唔知係咪條友遠處見我係咁寫

突然間出現,心急攞個黑袋出來收我啲forms (佢話自己唔會睇架喎!)

我仲填緊一份,佢差啲想搶咁滯~(依家先知驚??!!! )

跟住扮fd 同我地講二句... 不過我地好有家教既, 又唔係同你十怨九仇

出來玩, 無嘢既, 首先你自己唔好起拱囉

老友：講真你比人既感覺不太真誠和幫助

連笑都好似扮出來, 好假囉!

你個樣已經假, 講嘢仲假

唔想講嘢, 播套片比人係車度睇!

講真我真係第一次係旅遊車睇電視!

不過都多謝你我睇咗呢套”葉問”　！　因為我屋企隻碟放咗成個月都未睇！

老友：　若果覺得呢份工無興趣，算吧啦！　連自己都唔知點解入咗呢行既, 是問點投入，算吧嗱～ 既然辛苦,真的想想找一份自己好過既工吧~

＊＊以上係真心意見,絶無半點人身攻擊~ 如有冒犯請見諒~ ＊＊


 團友
順便講埋, 本人覺得雖然去旅行大家相對幾日, 無需去建立什麼
但出來玩識多個朋友 大家又玩得開心啲

不過依家啲人都係各顧各又無乜禮貎係真既

今次除咗我地幾個仲有六位團友

一對與我地差唔多年紀既夫婦 ~ 比較靜, 太太有時會係導遊講嘢既時候,係正面前滴眼水??  騎呢~

另一對中年夫婦 ~ 太太比較怕羞,好少正視望人,不過同佢地打招呼都有回應, 我仲成日幫佢地影相添

最後一對母女~ 女兒肥肥把聲又大,不過都唔係好嘈都好少出聲,不過人地同佢打招呼佢唔會望住人,淨係望住啲嘢食 ~ 
佢阿媽都無乜嘢,高高,短有髮有點男子氣, 但係原來佢好貪心
點解我咁講人呢 ~
事緣係導遊係車上小販販賣淨咗既嘢食 放咗係最前櫈,話再想食可以攞來食

我地都無再食嗱~

點知,其中一個 景點落車時,她在我前面, 係張櫈度好快手咁乸咗二包嘢即刻袋落佢揹住個購物袋  ?  吓咁都得 ？　　

駛唔駛呀？　

真係一樣米養百樣人！