09向九州出發＠DAY3~08MAR09

DAY 3

酒店早餐~櫻島火山~溶岩道路~鹿島航空基地資料館~鵜戶神宮~

日南海岸鬼之洗板~平和公園~宮崎觀光酒店

=>

早餐後出發到櫻島火山

雖然櫻島火山就在眼前, 似近還遠 , 還不斷在微爆, 嘩! 又一個小型磨菇雲呀!

沿著海灣都搭咗成粒鐘先到逹位於海拔 373 米的湯之平瞭望台，是距南嶽活火山噴發口最近的觀察點，那裏能欣賞 360 度的絕景，那兒能看見熔岩所造成的富有變化的海底地形和群生的珊瑚、海葵的"溶岩道路".

係度仲撞到二年前去有馬城崎縱記既導遊SIMON NG呀! 真有緣 !

他還是一貫盡責, 在活動景點幫團友影吓相,等佢地上哂車先回去

我地個導遊 ?????    原來佢都無落車!!!! 挑!

跟著又搭成粒鐘去鹿島航空資料館, 又一悶爆行程

好快行咗個圏出來就落雨嗱~噢　！


然後坐咗大半個鐘頭車到咗鵜戶神宮

鵜戶神宮位於宮崎縣日南市日南海岸的鵜戶崎，神宮所在地據說是日本第一代天皇神武天皇的父親鵜茅葺不合尊的出生地。在受到深深侵蝕的洞窟之中，有朱紅的社殿與被稱之為"乳巖"的岩石。自古作為保祐漁業與航海、順產的神靈而深受人們的信仰。參道上有紀念劍道發祥淵源地的紀念碑。劍法名人相馬四郎義元與愛洲帷孝根據該神社的民間故事分別開創了劍法流派"念流"與"陰流

我們先在神宮前餐廳食個出名既"地雞午餐"先

跟著導遊交待集合時間就 了

我地自己行落去鵜戶神宮嗱~　

佢都無介紹到個"乳巖"的岩石，淨係講叫我地掟龜背。

天色越來越暗啊　

以下行程便到日南海岸～鬼之洗板嗱！

很期待到這一個景點，因為之前柳時元和張娜拉既一套韓劇便取影於此　
還拍得十分之靚！　

可惜我地今日落雨啊，無得落去洗衫板玩水啊～

只好影番幾幅相再幻想番套刻既美麗情景嗱!

因為落著雨,導遊亦是躲在車上! (唔多掂!)

個豉頭婆就係比阿占玩到儍咗, 哈哈哈

導遊話佢啲嘢好好味,有尤魚,粟米和蕃薯

我地睇完個景點和玩埋個回音牆便去買嘢食

我地要咗二串尤魚, 其實已經整熟咗

求其係個炭爐上面燴熱佢

但又唔熱,尤魚又無去衣, 好UN呀!!!!!!

雖然豉頭婆收平我50円,但啲嘢都唔好食既 !!!!!

都唔明啲團友和導遊企係度係咁食!  有乜好食 ？

今日行程亦完畢嗱，係時候番酒店嗱

例牌食完飯，行酒店既ＳＨＯＰ跟住浸温泉　

覺覺豬ＬＵ！

 

09向九州出發>@DAY4~09MAR09