Ｔ．Ｔ．Ｔ．Ｔ．．．．Ｔ～Ｃｏｎｔｒａｃｔ

遲來了的T 22終於要來臨，八月一日又是另一個三年。

我是第一次過渡，但並不是第一次TContract，其實在圖書館的時候，應該是T 20，那次都試過要過渡，但不T的過渡，而是由另一種形式的合約，轉入TContract，要重新Interview，當年有一位同事，雖然已工作一年，但不能通過學歷，被叮走，與工作能力無關，很迂腐！那時並沒有太大感覺，因為一切都沒有變，工作沒變，Agent沒變，只是人工要轉去TContract的制度，轉為日薪。並不知其實是有危機，可能不獲續約。我其實真的很幸運，之後到要轉T 21的時候，我已經離開了，原本的agent bid唔到個TContract，我的同事便要面對這個難題，重新interview，另覓agent。

今次依然幸運，上星期終於揭盅，我間agent中bid，只要部門通過，我可以續約，不過對於新合約會係點，還未有消息，人工如何，返工時間，都是大家關注。至於合約長短，是個別部門的安排，我希望繼續是三個月期，因為可以等完約轉工，不用break contract同埋賠錢。不過今次個浪大，有兩間不中，影響很多人，其中一間都做左好耐，所以儲儲埋埋應該都多staff，他們要重新interview，另覓agent，真是一個讓人苦惱的難題，隨時份工都無埋。其實事實係點玩，真係無咩人知，對我來說，是個黑箱作業。

TContract這種玩意，真是玩人又玩自己，個價又不斷向下跌，又沒有福利，升職十年都無一次，所謂年假，又不是係你份糧砌出來的，仲要三年玩一次俄羅斯輪盤，這種制度，大家早已都很不滿，不過勝在夠穩定，又未算低，早年入職的還可以保持個好價，若果有更好選擇，應該沒有人留低。

不過我是例外，如果是長工或有福合約工，人工高，應該輪唔到我做，競爭較大，好多人唔揀合約，又唔想揀TContract，仲要你搵工時，佢地唔會寫明邊個部門請人，到你同間AGENT傾，才會講，不過職位名稱定死左，基本上，見到間公司，見到個職位，就知係外判合約，就算入職，也不知自己已經入了TContract，除非同事說起，或者大是大非的時候。

TContract 的解說

Ｔ for what?真的無人知，對我來說是一個謎，或者等於Temporary，已經temp咗２１份合約周期，仲係temp，真係不可思議．．．

數字代表第幾次TContract，這個指政府與Agent之間，過去兩次都是三年一期左右，遠古的事都不太清楚．．．

這種合約由OGCIO發出，是不是IT獨有就不得而知．．．

人工以日薪計，政府是以日薪給agent，返一日，就有一日人工，放假無錢，然後agent重新包裝，重新組合，變成一個有MPF、勞保、有薪假和日薪計算的人工組合（亦可變成月薪），當然做生意的，agent還可以從中賺取合理回報。記住打風是計沒有上班，所以沒有錢．．．

人工由入職開始已經定死了，每年政府review公墓時，加有份加，減亦有份減，加的巴仙近期都是公墓的一半．．．（想再加的話，除非agent同你講良心，或是你惡過佢，agent會係佢地個餅，分少少俾你）

續約，只有部門有權唔續你，agent無權過問，你亦都可以唔接受；若果agent唔中bid，staff仍然有很高機會，由另一agent接收而續約，但人工不得而知了．．．

當staff同agent不咬弦，政府坐收漁人之利。staff可能係綿羊或是狐狸，agent就是大老虎和小老虎，而政府肯定係大鱷。

還有一件事，在任何文件上，agent就係你公司，政府同你無關係，但係工作上，對內對外，你個身份就係部門既職員。假如有人問係邊度做，同你係邊間公司做野，簡直係兩回事，有點分裂。