紐約大都會地鐵係世界上歷史悠久，名聞遐邇既 - 衰，
點樣衰法，你哋一定要見識吓，
事緣琴晚就經歷佢既混亂、黑暗、不知所謂超級低能係統，
再加我哩嗰超級黑仔，張完本25分鐘既車程變成2個鐘零40分鐘，
你話點頂？我仲唔係困係車裡面，而係不斷轉車，
話說同朋友食飯，12點就返屋企，香港哩啲係咪叫早先？
紐約地鐵好正架，24小時服務，平不過冇靚同正，
我啲咁節儉梗係用最環保既方法番屋企，
去到地鐵，眼甘甘睇住自己要搭既車走咗，
冇計架，咪等下架囉。
一等就等咗40分鐘，唔對路，周圍睇吓先，
先見到我搭嗰架車午夜後停駛，有冇搞錯，明明仲見到有車走咗，
完全冇廣播話你聽果班係最後，要搭就轉其他車，
點解等咁耐先知？一般午夜時份都要等25-30分鐘，
我唔係wet 開架咩？咁都唔知定？少囉平日，禮拜尾咪揸車，
雖然都知佢衰，但平日冇理由番屋企攞車再出嚟，
好！算！轉車~
轉過另一路綫既車，我要轉三輪先番到屋企，
咁當我上咗另一條綫既車，見到車上既指示牌話下一站可以轉F車，
F車係可以令我轉少一輪車既航綫，
轉少一輪車可能慳番25分鐘等車時間如果預唔啱，
精明消費者既我，當然覺得化算，
雖然平時都知F車唔會停果個站，可能午夜後特別安排呢？
落車之後，都仲見唔到指示，咪走去詢問處問啦，
條友話，你行出車站，行三個街口，就見到F車站，
乜話又中招，哩啲叫轉車，出站行三個街口，你露尾。
侷行啦，唔通走番轉頭等下輪再轉三輪咩！
死死地氣行三個街口，落到下面，竟然見到有手寫告示，
話冇車去，只有番，俾你會唔會講粗口，
你嗰詢問處竟然唔知冇車，仲點我行過嚟，
吖，我啲EQ真係有番咁上下架，
我笑笑口同番嗰詢問處講，F車冇車去噃，
我只係唔想佢又整估下條戊利，我做咪算囉，
佢都好客氣講對唔住，仲話送轉車票俾我，
咁我張係月票，唔洗啦！
好！又算！再等番之前坐架車，
20分鐘喳，賺咗！安慰吓自己都要架，
上車去到我要轉車嗰站，竟然見到要轉嗰架車車尾，
咩係統嚟架，嗰司機係咪玩呀，見住嚟仲要走，
聲明此路段已由地下轉為地上高架，所以遠遠哋都見到，
係統唔通知你都會見到，仲唔係有心玩嘢？
你班傻仔等下啦。
平常心，紐約人係咁上下，
咪當享受吓夜景囉，人幾時都要識安慰自己，
唔係係紐約點生存，點半啫，梗係仲五光十色，
仲周不時見到啲警車定十字車閃曬紅藍燈周街飛，
20分鐘都見到三幾次，幾咁有活力呢，
千祈咪怨半夜擾民，冇佢哋你死咗都冇人理呀！
下班車又到，上車，到站，又轉車，
嘩！竟然到站有車嚟緊，發達啦！
第一時間跳上車，等等，
又要解釋一番，嗰站有快車及慢車，
慢車每站停，快車會跳站，分在兩邊，
快車嗰邊封咗，慢車嗰邊嚟咗架快車F，
係呀F車呀，我先前話有出冇入吖嗎？
佢係快車所以唔會停我嗰站，所以之前話啲轉多次，
宜家我跳上既係F車，但停係慢綫，
究竟會唔會停我嗰站呢？廣播蒙夾龍，冇電子告示版，
A！好似有告示貼係車裡面話快車，再望吓有人唔上車，
通常快車唔停站，所以未必上，慢車實停，冇理由等20分鐘上快車，
所以通常啲人實上車，嗱！只係三幾秒，諗完望吓以上所有事情，
就要做決定，落車之後點呢？下次寫埋佢。
