投降

2009-12-29

聖誕假過左一半有多

原來習慣左Twins番學的媽媽唔多適應Twins的放假生活

假期的某一日就將媽媽 Ｋ.Ｏ 左

搞到媽媽第二日四圍咁問人囝囝/囡囡放假有咩做

原來不外乎去公園玩, 行商場, 睇鍱等

一拖一 ~ 好輕鬆, 好容易

一拖二 ~ 好吃力, 好辛苦

二拖二 ~ 唔會好得去邊 ... ... 都係一樣攰

投降了!

為左唔想Twins每日對住因為處理糾紛而發癲的媽媽

媽媽還是將Twins "分開一下"

敬言繼續做佢的 "大帝"

若言繼續做佢的 "刁頑公主"

食飽飯 ~ 瞓夠覺 ~ 再一齊玩過

多謝姑媽幫媽媽湊住細佬 ~ thanks!

要求若言戒啜手指2個多禮拜

似乎唔多成功

見到媽媽 ~ 唔啜

見唔到媽媽 ~ 搏命啜

死野仲衰到瞓覺時特登背住媽媽啜手指瞓 ~ 以為媽媽咁就見唔到

呢2個禮拜每次要若言瞓覺都好困難

叫極 / 氹極都唔願瞓

每次問: 可唔可以食手指瞓覺呀?!

回答: 唔得, 手指污漕嘛

反問: 得喇! 做乜唔食得手指即?!

回答: 手指污漕, 你食手指咪將d污漕放入肚到?! 會肚痛架!

再嘗試: 食一次好唔好呀?

回答: 你記唔記得你成日肚痛? 就係因為你成日食手指囉!

最後, 響媽媽面前冇食手指

但就偷偷地食 : 喂, 唔好食手指呀!

一個尷尬又斷正的樣

係長期的抗爭? 還是可以一刀切?

媽媽一拖二出街

2隻野好少蝦媽媽抱

因為明知機會細 (抱一個, 通常另一個都會蝦抱)

但媽媽帶2隻野同姑媽一齊出街

亞囝就蝦到姑媽暈

對腳好似唔多駛行咁 ~ 一落車就舉高手 ~ 一落地就舉高手

可知抱住一個30磅有多的人是多麼的吃力 + 辛苦

亞囡見細佬有得抱 ~ 小朋友心態 ~ 有人我有 ~ 同樣要求抱抱

公平起見 ~ 還是抱起姐姐

還好姐姐知道媽媽攰 ~ 抱一陣都肯行一陣

當媽媽攰到唔願再抱

姐姐就會 .... ....

好衰地, 走向姑媽到, 舉高雙手, 要求姑媽抱抱

有求必應的姑媽縱使好攰但仍肯垂低雙手 ~ 準備抱抱

姑媽實在太錫 & 太愛Twins了!

謝謝你的愛!

辛苦你了!