自由樹脂

之前見人地講用自由樹脂玩覆件好容易，琴日路過吉吉島10蚊店時見到有得買，就買左兩包仔返黎玩下。

整模要準備既野，自由樹脂(黃色/藍色果條，只係顏色唔同)；要覆既件(今次係摩亞屈既左手掌)；筷子，攞黎夾樹脂(其實戴手套都得，不過因為熱水既關係，攞上黎都係用筷子好D)；盛具；棒，用黎做定位既。

煲水，差不多滾就可以放樹脂

熱左既樹脂會變得好軟，任你變形

A模(其實一個窿黎做定位就得，我多手篤多幾個)

B模係A模凍左定形之後就可以壓埋落去，但記緊，b模是熱辣辣的，會溶了a模同b模既接觸面，甘就會令ab模分離不能了。所以落b模時，手腳要快，用凍水快速冷卻。

凍左，定晒形，但係仲有一程度既柔軟(離模時唔小心整斷左原件既姆指)

之後就覆件啦。今次用原子灰做覆件料，好處係快乾。(不過會發熱，好在唔係太多量既時候，都唔會太熱)

要用比覆件較多原子灰，為左確保所有空隙都溢滿原子灰，多左既，就用些少力壓佢出黎

到左原子灰可切割既階段，就可以脫模，之後就cut走溢料，再等到全乾就打磨。經過幾次試驗，算係覆到件似樣既(試過預得太多原子灰，所以覆件比原件原；又試過少得濟，覆件出黎斷手指)

哩隻手，未磨，不過都幾似樣了。我諗試多幾次，會控制得好d。