做堂哥婚禮的姐妹

昨天是堂大佬charles的結婚大日子, 由於堂哥與她的女友都在外國工作, 所以在港的朋友不多, 三個兄弟三個姐妹全是新郎哥的親戚, 而我正是其中一員!

堂日最辛苦的不是新郎及新娘, 而是全程跟實新娘兼任所有伴娘職責的堂妹Katie! 佩服她的落力, 也佩服她的熱誠! 如果我係主人家, 我臨走一定俾返封大利是佢! 全日佢食既野一定少過新郎同新娘! 仲要無得坐! 雖然我已覺得好攰, 但我可以好肯定佢攰過我十倍! 真的, 我真的從心佩服佢! 本來無諗過在呢個wedding blog 寫堂大佬結婚既野, 但都忍唔住想在這裡表揚下佢!

另外亦要表揚一下我的未來老公仔及大佬, 未來老公仔知我攰, 臨訓前幫我全身按摩, 舒服到爆呀!!! 多謝你呀! 你真係好抵錫呀!!!  大佬就一早請定早一日假, 早一日已經去幫Charles打點一切, 果然係好兄弟!

我結婚當晚, 佢都係我既姐妹呢! 有佢同埋我的一班好姐妹, 我真係好放心!!!

在兄弟上黎前一刻才完成的汽球串

伊甸園註冊

阿媽個頭set 得真係好靚, 成個人後生左廿年!

昨天亦感激大表嫂mon幫助姐妹團, 否則早上的玩新郎的遊戲一定攪唔切!

我地三兄弟姐妹同時係當日既兄弟團同姐妹團成員

新郎笑得好開心

全家幅!