小白! 一路好走!

原來無論心理準備做得幾好, 當事實要來的時候, 總無法容易接受得來!

29/5/2009 小白終於離我們而去!

過去的兩三個月來, 大家已經發覺小白身體出現變化, 感觀靈敏度比以前差, 直至有一日發現佢呼吸急促, 帶佢去睇獸醫, 先至發現佢有心漏病! 不境佢都年紀唔輕, 獸醫好多老狗都會有喱個病, 而且醫番機會唔大, 當時我已經開始做定心理準備, 小白會隨時離開我地...

直到端午節, 見佢郁都唔郁, 只係用眼球轉動黎望下我, 再加上抱起佢時感覺佢身體冰冷, 當時真係好擔心, 但又怕講出黎令身邊的人不安, 只好隻字不提.

到了第二日晚上堂時收到小ka sms, 話小白有事, 致電馬sir, 致電後聽到馬sir 語氣沉重, 話睇過獸醫, 應該時候不遠, 要決定幾時幫佢上路!

返到屋企, 正當大家討論何時去診所之際, 馬sir 突然話唔洗了, 沒了心跳, 我個心突然離一離, 而大家都沒有了反應好一會兒...一會兒後, 我先敢告知小ka, 小ka 得知後, 情緒難免有起伏, 但總算控制得來.

這幾天, 滿腦子都係小白從細到大的片段, 有開心的, 有煩腦的, 有溫韾的, 也有擔心的!

記得小白進入馬家的第一天, 係我放學後到大pat 屋企接走, 當時為了怕阿爸阿媽反對, 幾兄弟約夾埋, 小白入屋後先收到房間, 不被佢地見到, 但最終到被發現了, 但竟然沒有反對! 自此小白就成為馬家的一份子了!

最記得有一次, 為了可以另小白名正言順同我地一齊住, 唔洗怕房署黎查牌, 迫於無奈地送小白到診所進行手術! 雖然手術成功, 但當晚因為麻醉藥力未過哂之餘傷口又岩岩聯好針, 佢見到我又想我抱佢, 我又怕佢會拉傷個傷口, 又怕佢會唔夠暖, 只好遠處觀察, 間中先走近檢查體溫, 真係擔心左成晚!

到左以家, 小白都起行左一段時間, 唔知你去到邊度呢? 不過無論你去到邊度, 喱度都有好多人掛住一隻唔知乜野溝爹利的啡色攣毛狗, 佢叫咩名?! 佢就係馬小白!

我就係馬小白!