婚照台灣之行 Day 3

Day 3

十分---> 平溪--->青桐--->台北--->士林

雖然尋晚好夜訓, 但因為今日要向遠遠地既郊區進發, 所以都要好早起身!

食過酒店既早餐, 就兩個人浩浩蕩蕩咁向郊區出發!

去到台北車站,買過車票就向瑞芳轉車站出發.....企足全程.....一D都唔好受!

一心以為迫完, 係轉車既時候可以搵個靚位坐, 邊坐邊欣賞風景.....點知......

唉, 要企到門口位呀, 仲要死迫爛迫先入到去......今次真係點都欣賞到風景啦!

迫迫迫先迫到去十分.......梗係拿拿聲食番支腸先啦.....哈哈....

放埋個天燈, 就再坐車去平溪了!

因為見到本天書講, 話平溪同青桐可以行幾分鐘就去到.....就一於胆粗粗咁試下 !

唉....行左成半個鐘呀....又話幾分鐘......玩野 !

行到個男丁都要坐下!!!

幾經辛苦.....終於都行到去!

周圍飲飲食食完之後, 就回台北既士林夜士了!

小隆話要去食鐵板燒喎....行左幾個圈, 就搵左間叫168 既靚仔鐵板燒坐底!

食物出奇地好味, 個靚仔既手勢有如酒店大廚咁優美! 享盡視覺同味覺既感觀刺激!

食到咁飽, 梗係要去散下步啦...周圍行, 行到邊, 又想食到邊.....

什麼雞排呀, 台灣腸呀, 炸乳酪呀, 燒"塞米"呀, 通通同我攞黎!

行到累, 就梗係想返酒店, 又係時候坐捷運.....但個站呢? 好彩....有地圖!

但....定錯位囉....行左相反方向.....足足行左成個站, 去左第二個站......

見到張櫈, 即刻衝埋去~

坐車返酒店去.......

但見到本書....話原來係西門町附近有間家樂褔....有好多野賣, 仲要24小時添!

唔去好似對唔住自己咁! 就係一時之氣.....又由西門站行去......

經過關晒門既街.....冇車冇人既巷......係想放棄既時候, 口在路邊既我,

又發揮本性----搵人問! 好彩, 係情急下, 咁岩有個嬸嬸行過.....

一指, 原來就係前面!

拿拿聲衝入去....掃完一輪, 就拖住死左九成既身軀.....行番酒店了!

今日真係行到飽晒了!