4月22日 --- 約左新朋友行山

豆媽話有人約我出街呀, 係奶媽的亞頭呀....叫做angus叔叔呀....我仲可以見到佢個小朋友, 叫做"mac咕囉", 係日文名來架, 好似解做"二丁目"

佢地好神心呀, 一大朝早駕車入來粉嶺(佢地住荔枝角), 話一定要同我行山喎！！welcome welcome....有人約我出街, 而家最驚就係豆媽唔知醒....

好彩最後都有驚無險, 奶媽電話到, 落去lu....

第一次放繩, yeah....末路狂奔...唔係, 係山路狂奔....我識回頭望架....

嘩, 一行六隻狗呀....hello你地好呀, 你地已經放哂繩行山啦....我第一次俾人放繩行呀....hello

嘩, 有個變態佬係度除褲呀, 唔望唔望

呢個就係傳說中的angus大叔喇....嘻嘻....型仔黑超

hello, 你係淺花灰喎, 我係深花灰

中場休息, 好多人呀, 一齊抖涼丫...

mac咕囉小dd呀, 佢細過我少少架, 但就大隻過我呀, angus大叔話佢係查理斯王子....king charlie...佢條舌頭未試過放正中架！！！豆媽話好cute喎...哼!!!

朋友仔叫做大舊呀, 果然同個身形好唔………係隻芝娃娃....佢可以放繩周圍走架....佢好勁架, 見咁多狗友仔, 都冇吠過架, 聽聞芝娃娃好鐘意吠架, 見到狗就吠架喇....可能佢媽媽教得好....

行完山, 一定要去山腳的"寶生園"飲杯冰凍的檸蜜....係angus大叔請架, 多謝哂....約定mac咕囉下次一齊游水....