日記~~用耳去聽!用眼去看!用心----去感受!

         好耐都冇上黎更新呢個blog喇....你地應該都幾無奈!是關我應承左你地一得閒就要更新近況丫嘛!所以都要係呢度講句...唔好意思﹗

          今日呢個topic都幾有趣!因為剛剛睇左事頭婆轉寄比我既一封關於徒步去西藏旅行既醫貓!以及一個關於自由行不同地方既blog....感覺好好!同時間...我哥種不問世事...一個人背住包包周圍去既心態既火又再一次燃起左喇!

          正如呢篇blog既topic一樣...用耳去聽!用眼去看!用心--去感受!有陣時...我會係度諗....如果去某一個地方旅行...但係又唔清楚到底哥一個地方有乜野名勝....名勝背後既歷史...以及當地既風土人情既話...咁去黎做乜...冇錯!所以....最近我都有上網去search一下我將要去旅行既地方既資料....因為...話晒今次都應該會係我咁大個仔第一次自己一個人自由行去旅行丫嘛...唔做好d資料準備...到時迷路唔識番黎點算!

           係度要向事頭婆表示萬二分敬意!(雖然佢話幫我plan呢個行程要收番我一千蚊!仲狼過d大耳窿!但係我知佢唔會既!最多我真係去得成既!番黎請你食羊腩煲啦!但係一千蚊就真係..............)因為佢幫我盡量去plan好我今次既行程....佢好有經驗架........點樣可以平d...點樣可以睇多d...點樣可以舒服d...總之就一句說話!

    Merci !Merci !Merci !Merci !(呢句說話係法文!謝謝咁解!)

  p.s    由於最近本人愛上左玩"鬥地主"以及"私人感情"上出現了少許問題!所以延遲左好耐更新時間!如有不便!敬希見諒!

                                                                                                                        承澤