日記~~放孖day的日子!

      話說尋日開始就想寫番blog!可能真係好似我個friend咁講....寫開就真係想繼續寫番既....不過..今日就冇乜野可以同大家講喎!但係都要走上黎寫下!

       尋日就係我開始放孖day既日子....雖然每次放完假都好似冇放過咁..但係...總好過真係冇得放丫...不過...前日飲完酒...個人就足足辛苦左一日...到訓醒哥陣時都已經係六點...就出左去同個friend食左少少野就番左屋企打機..睇電視...唔知係咪好耐都未試過同我細佬妹一齊睇電視...雖然哥幾套電視劇都唔係太好睇...但係我地三個就笑到收唔到聲囉..我諗再係咁落去就應該會比人投訴架喇..因為實在太大聲喇笑得...

        好耐都冇試過放假既日子...就真係留左係屋企冇出去玩!可能前晚玩得太癲掛..所以有friend打黎都唔想出去...班同事都有叫出去食宵夜既..但係就真係唔想出...不過好彩冇出...家下出面落緊超大雨..仲行雷閃電添....好得人驚...

         哈....但係今日都有好既運氣既....雖然我打比妳哥陣時妳冇聽...但係之後妳都有打番比我..仲唔怕悶咁同我傾左一陣計添...可能真係好耐冇同妳傾過計...都幾開心架!我地又開始好似以前咁...有傾有講有笑...

         唔知係咪因為打左好多個鐘頭機既關係...個人都開始攰..同埋個頭都仲係痛緊..所以...都唔講咁多啦...留番下次啦..唔係我驚下次冇野寫...see you later!

                                                                                                                           by  承澤