日記~~決定喇!但係仲未係時候!

　　而家係凌晨既差唔多七點喇...訓唔著!唔知做乜好..就走上黎寫下野喇...本來係過去左既尋日....應該同妹去行街買野去玩架嘛..誰不知佢為左黃子華而離棄佢大佬我..真係..可憐的是也!

　　決定左喇..可能妳地會覺得我好大駛..但係...我好難得先至可以搵到一樣野可以令到我個心平靜落黎!同時亦係興趣之一丫嘛...雖然可能唔會買d好貴既機..再加上我呢d啱啱起步既...慢慢黎喇...等再有多餘錢再買貴少少囉!雖然事頭婆哥部我都覺得好貴!但係自己真真正正咁番左一年工...好似又真係冇乜買過野比自己獎勵下自己!今次就算係獎勵自己喇..因為之前好多都係為左屋企!

　　係咪好奇怪點解會突然之間決定呢!尤其是係糯米仔..妳一定好出奇..之前妳地點樣同我講..我都話..唔得唔滯架嘛!其實係因為...好耐之前架喇..有一次我一個人係前公司到一路戴住mp3聽歌...一路影相...感覺好平靜..同埋可以隨著自己既心情起伏去影好多好多可以表達唔同心情既相!係事頭婆同糯米仔令我諗番起呢件事架!

　　早兩日見到事頭婆哥張西環夜景...好羨慕啊!可以攞住部相機一個人周圍去...去到邊影到邊...好自由...無拘無束咁....好響往呢種感覺...可能因為我天生就係一個響往自由既人喇...我唔鍾意比人綁住.....唔鍾意比人管束囉!

　　呢幾晚我都有講過一d野架同妳地.........其實.....我真係諗住走架喇....但唔會係短期囉...做多兩年又未定...三年又未定...四年又未定...因為...我已經計劃好...當我儲夠錢就一個人攞住個背囊周圍去...去呢個世界既每一個地方留下我既足印囉..可能妳地真係覺得我好白痴.....好諗唔諗...諗埋呢d咁不切實際既野..但係我想講既係..呢個夢想...我好細個哥陣時就應承左自己架喇....到左而家..我依然冇忘記到囉!同埋短期之內唔會走既原因...係因為唔捨得妳地..同埋部門都唔夠人用(雖然呢個唔算係理由!)所以暫時都唔會走!或者...可能我呢一世都唔走...一世都不停咁煩住妳地呢!

　　決定左喇...但仲未係時候囉..想等多半個月左右喇..到時就可以同妳地一齊出去影喇...妳地應該唔會放我飛機掛!哈!