日記~~兄弟們!多謝你們!

          尋晚番到屋企....突然間有個好奇怪既想法!其實你地都知道我由細到大!好多時候都係我一個人去處理我自己既問題!爸爸媽媽因為工作上既原故...好少會有機會同我傾到一d我自己既私人事!所以....其實有好多野好多時我都會收收埋埋唔比佢地知..同時間佢地亦唔會問!就算問...我都會敷衍佢地....求其答左就算!

           事頭婆：好多謝你啊!你尋日同我講話會幫我計劃好之後哥半年既計劃...哥一剎那我真係好開心!開心既原因，好大程度上係因為你真係對我好好!好似我既一個大哥哥咁....雖然你同我既年齡真係有d差距..(但其實唔係差好遠!)我仲記得有陣時我為左我細佬妹既事煩既時候...我會諗....如果我有一個哥哥...我諗我可以搵人傾計..唔駛一個人揹起晒全部野咁煩!我仲記得我好多時唔開心...你都會係第一個發覺...然後走去安慰我既人!真係好多謝你!

            糯米磁：我仲記得我啱啱入黎做哥陣時...我都幾怕同你講野架!因為你個樣其實都幾惡!不過....時間越過得耐!我就覺得你份人好好....好多時同你傾傾下計..真係會學到好多好多野!我仲記得你尋晚同我講話做人一定要對自己好d...其實我真係明你講乜!只係我唔想係咁多人面前講出黎姐!好多謝你咁關心我!諗番轉頭...我都好似好耐都冇比人關心過喇!同埋呢!有陣時我行開街...見到有d bb既產品(包括衫,褲,鞋,襪等等..)我都想買乜皓皓豬架!只係唔知道你會唔會唔鐘意我買哥d野!所以都冇買到!同埋呢...其實有陣時你同我講既道理呢!我有聽架...我亦都有去諗過應該點做!只係一時間未能適應!消化唔到姐!好多謝你啊!

              基維蝦：其實一直以黎我都覺得....我恰得你好慘!但係係因為我覺得你玩得..所以先至會同你玩到咁癲!我仲記得我放假之前哥晚!你見到我哥個衰樣既時候...你可個好同情我既樣...同埋...放左工之後你飛左個短訊比我/..話我撐我既時候///我真係好開心!因為我真係覺得....我既身邊多左好多好多既大哥哥咁!好多人會照顧我...安慰我同埋撐我囉!雖然我知道我既輩份唔應該去恰你!但係..幾好丫...反正我覺得我應該要咁同你相處先至會開心!多謝你!

仲有好多不能盡錄喇!總之一句講晒!多謝你地!有陣時係度諗...原來我既人生..都唔係好慘姐!縱使我既第二條路行得有幾慢有幾失敗都好!當我一番到公司..見到你地..我就會覺得好開心架喇!謝謝你們!

p.s  糯米磁....尋晚好多謝你想請我食麥啄啄...但係我真係冇胃口..唔知到幾時先有呢!頭先我訓醒....丁左我細路落去買麥啄啄...但係食左少少就唔想食...到最後甚至乎嘔番晒出黎添////所以食左等於冇食!可能真係有少少病喇....不過你地唔駛擔心我架!我有乜唔舒服都會去睇醫生架!因為我仲要健健康康咁番工架嘛!

多謝糯米磁為左換隻dororo心我尋晚去買左個麥啄啄餐!多謝你!