日記~~幻滅過後!

　　　呢幾日都冇去更新呢個ｂｌｏｇ．．．唔係唔得閒．．係因為唔係好想！再者．．最近都好似冇乜野寫！之但係．．係某些讀者強烈要求低下！我呢個ｂｌｏｇ主都要做番ｄ野！

　　　話說今日既八月十五希望幻滅左之後！其實唔多唔少都有唔開心既！但係好彩係哥晚都有人陪我！係邊個呢？我就唔講啦！妳地自己估啦！

　　　不過．．八月十六哥日既早上．．我同左我祖母去左飲茶．．同場仲叫左某幾個親戚！唔知係咪都有一段時間冇見我祖母．．感覺上佢又好似老左！（我諗我都要再抽多ｄ時間出黎見下佢！唔係佢會話我！）其實我八月十五哥晚都冇訓到．．然後第二朝就好早咁叫醒晒我屋企其餘哥”兩傑”！但係原來我個妹都蒲到第二朝六點先番屋企！唉．．唔知爛蒲係咪有遺傳架呢！我同佢都係咁！當我地去到酒樓既時候．．都未有人黎到．．所以呢．．我同我個妹就撻左係張椅到！來個小休先！但係小休左冇幾耐．．主角們都陸續咁到達．．搞笑既時間又到啦．．雖然真係好眼訓．．但係都頂到差唔多十一點．．係一輪唇槍舌劍既情況低下．．呢餐茶都好快咁飲完啦！然後．．當然係各散東西啦！之後電話又響喎！又出左去陪個ｆｒｉｅｎｄ食野．．唉．．所以呢幾日我個胃都唔係咁舒服．．冇辦法啦．一係就餓死！一係就飽死囉！

　　　雖然哥日係放．．假！但係當我三點鐘番到屋企哥陣．．就毫不考慮咁撻左係張床到．．訓到差唔到十二點先起身．．雖然覺得好浪費．．難得既一天假期．．但係．．咪當比自己休息下囉！

　　　之後既呢兩日都冇乜特別事發生！不過我可以肯定既．．就係我最近得罪左公司好多人！好似阿”基維蝦””網言網語”等等啦！但係要說明一樣野．．就係．．我冇心既．．好多野都係純粹講笑！多多得罪．．包涵包涵！

　　　好野．．星期日放假！約左一個都想約左幾耐都係都冇乜機會同佢可以單獨相處既人．．唔知哥晚．．會發生Ｄ乜野事呢！

P.S   呢幾日都好唔舒服．．唔係頭痛．．就胃痛．．唔係胃痛．．就膊頭痛！唉．．怕且我都命不久矣了！