魔卡波經!AC米蘭對賓菲加!

           那邊廂去屆亞軍利物浦艱苦地作客守和左波圖...這邊廂上屆冠軍AC米蘭則輕鬆以二比一主場擊敗左同為葡超勁旅既賓菲加!雖然冇睇到呢場波..但係都睇左一部份既精華..我諗都可以好簡短咁描述下!

           對比起今季大幅度擴軍既利物浦而言...AC米蘭今季引入既新血唔多..整體上仍然以去季既原班人馬再戰歐聯...作客既賓菲加則由前葡萄牙國腳"雷哥斯達"帶領..勢要爆冷擊敗上屆盟主!

           但係上半場戰情可以話係一面到...AC米蘭中場派路率先以佢既"百步穿楊"為AC米蘭取得一比零既領先優勢(個罰球靚到啊!)...落後一球既賓菲加係打後既時間急於扳平...比AC米蘭係一次快攻當中把比分擴大至二比零!今次既主角又係佢"派路"!在呢次四打三既快攻當中...派路鬆容地利用準繩既傳送將個波傳比無人盯防既恩沙基..後者以一個教科書般的凌空窩利為AC米蘭增添比分至二比零完上半場!順帶一提...賓菲加上半場有個超級黃金機會...但係唔知哥個傻仔係邊個..竟然可以對住空門頭搥頂中柱喎..慢鏡睇番..哥條茂利頂波只係望住塊地(有金執咩!)迪達都己經冇晒反應架啦!但係咁都可以頂中柱...AC米蘭真係可以話有運行!

           下半場AC米蘭仍然藉住主場之利圍攻賓菲加..勢要大炒對手!作客既賓菲加無奈地只有棄攻防守...若非賓菲加門將有超水準既表現..賓菲加真係可能會比AC米蘭大炒而回!但皇天不負"雷哥斯達"!返回前度球會既主場...賓菲加係完場前既補時階段...把握到AC米蘭後防一次漏洞..由"高美士"把比分追近至一比二..可惜冇時間...入完波冇耐...球證長鷄一吹...全完比賽完畢...AC米蘭以二比一擊敗賓菲加!取得歐聯分組賽既第一場勝仗!

P>S...呢篇短好多..因為冇睇到..並非偏心!