BLOG 主頁｜ 服務中心｜ 雅虎香港
      既然都黎到我個BLOG 咯, 都唔爭在留番片言隻字啦. 謝謝!
      留言

      最新網誌

      編輯 關閉
      網誌 我的網誌內容搜尋：
      引用 檢舉

      七萬蚊一塊階磚

      網誌分類：回到原點 back to hong kong |
      網誌日期：2009-10-23 03:52
      今日有樓友問起我, 話香港出左單全球每方呎最貴賣價既豪宅. 呢單野我一直都有留意. 前幾日仲上左瑞典報紙. 我估我呢世都買唔起個廁所. 買得起都唔掂, 聽聞管理費都幾萬蚊. 真係送左比我都比唔起雜費!



      呢幢咁既野真係新聞多多, 最騎尼莫過於44層變左有88樓. 其實呢D跳層之前已經係其他大廈例如九龍站既凱旋門出現過. 凱旋門係無4X樓既, 即係39樓之後變左50樓. 不過青出於藍既天匯更勁, 39樓之後去到60樓. 其實好明顯係政府監管不力, 隨得D樓亂咁改層數. 不過商家賣樓技倆更令人讚嘆不絕. 為求賣得好價, 懶理造成混亂, 亂咁將樓數改變. 我真係唔知D住客行樓梯落樓, 見到自己行一層就有60樓去到39樓有乜感想. 我就會覺得好驚嘞, 乜咁猛呀...
      引用(0)
      共22個回應
      • 檢舉

        Beautiful Life 2009-11-09 00:34

        經濟負擔或者社會福利都係一個因素,不過我又覺得唔係最重要既條件.以前阿爸阿媽做野夠辛苦,咪又係生左我地出來又養到我地大個,我覺得都係現代社會D人少左傳宗接代既思想,多左個人主義,覺得生個細路出來要負好大責任,寧願唔生.又或者缺乏安全感,唔想拖累下一代.又或者個妻子都有事業心,唔想做生仔婆.我覺得都係要有心既.唔知瑞典人既家庭觀念係點呢?如果響政府鼓勵下生仔但又冇乜好既家庭觀念,我驚佢地生左之後又會離婚,造成更多下一代受苦喎.

      • 檢舉

        Beautiful Life 2009-11-08 12:23

        係呀,我而家一於做懶豬.訓到王朝八晏先起身.其實有得訓又訓得好真係好幸福呀.一於養肥自己, 有氣有力先有條件做其他野~

        呢幾次睇樓,我發現一個現像,D後生夫婦都冇小朋友,但都有隻狗仔或貓仔,唔知係咪D人結緍唔想生仔,寧願養狗仔呢?

        檢舉

        Swedish Hongkongese2009-11-08 16:37

        香港養小朋友真係好大壓力. 你諗吓, 女既生仔放長假又怕老闆唔高興; 生左得嗰前四後六, 抖唔夠幾個星期又要返工; 而且養一個細路財政壓力大好多, 你諗吓供書教學乜鬼都係錢. 對比瑞典咁計, D人咁鍾意生無非, 有部份原因都係佢地個社會褔利制度. 男女共享既一年有薪產假; 細路既津貼去到十幾廿歲 (如果仲讀緊書), 低收入人士生左個細路又有房屋津貼, 讀書又唔使錢. 所以你話係咪間接鼓吹左D人生育吖...
      • 檢舉

        Beautiful Life 2009-11-07 21:15

        真係唔該晒你,我真係蠢過隻豬.不過都算係攞左一個經驗.相信下次我會做得好D.我呢排成日都覺得好累, 肩同背好酸痛 (如果有人幫我DUP背隻就好囉.) 都唔知係咪有病,所以都係抖下等自己有返精神同體力先再諗啦.

        想買樓真係好煩.!

        不過我會學習將佢變成一個ENJOYABLE的過程~

        檢舉

        Swedish Hongkongese2009-11-07 23:16

        咁你又唔好咁話自己. 經一事長一智囉.

        你都係多D抖吓啦, 買樓搞到自己咁辛苦有乜為呢? 等自己心理同生理上準備好先再諗啦.
      • 檢舉

        Beautiful Life 2009-10-28 14:00

        銀行既估價比開價低成24萬,我還價比銀行高3萬,agent話業主既價係開價少4,5萬,即係我既還價同佢既心目價相距成17萬,而業主個價同我max個價都差成10萬.一來我係d唔識講價既人,二來果個單住雖然景好,但係都幾細,個聽都唔知點放野. 而最重要係我個心囉囉亂, 覺得而家個市好高,我又唔係大把錢,唔知應唔應該走去買樓,陰公,呢兩晚仲因為咁搞到訓唔著添.所以我都係無謂去追啦, 暫時抖下再睇下點啦..話晒買樓都唔同買棵菜.

        不過我好多謝你既意見同分享,有咁多人幫我,我覺得呢個願望都會實現的.

        檢舉

        Swedish Hongkongese2009-11-02 08:11

        嘩, 買樓買到咁大壓力, 你真係要諗諗. 或者暫且乜都唔好理住, 停一排等自己思緒平靜落黎先再去諗. 唔係搞到自己做錯決定仲衰. 何況你而家又唔係無樓住, 就算真係想搬出去, 最多咪租住屋先囉. 係咪? 使乜搞到自己瞓唔着呢.

        同埋你咪鬼信晒D agent 講, agent 講野出晒名信唔過. 你諗下佢代表緊你同個業主, 佢淨係想層樓快D賣出賺佣金, 其他理得你死. 佢講乜你可以唔使理佢. 淨係諗你目標個價到唔到. 我覺得咁會簡單D, 而且又唔會搞到你不斷追價最後超埋budget.


      • 檢舉

        Beautiful Life 2009-10-28 00:01

        我昨日睇O啱果個又係傾唔到價,.都好,唔駛我咁囉囉亂.成日諗買唔買好.而家要抖抖.慢慢見步行步再睇下點.請你繼續支持我!
        檢舉

        Swedish Hongkongese2009-10-28 05:03

        你同佢個價差好遠? 銀行估價係點? 買樓係咁架啦, 要拖拖拉拉, 唔會話一傾就成. 通常都係減D減D咁傾. 業主都常都開高市價一成, 博有荗利唔識買貴貨. 所以係要壓價架. 如果你唔係話好好好急同埋好好好好鍾意, 我覺得你要拖下佢, 如果層樓無人買, 經紀就會打比你架喇. 到時你再壓佢價, 到你心水價先再考慮囉.

        慢慢黎啦, 唔使急. 加油! 雖然我越洋睇香港新聞, 但都知個市大約係點架. 我覺得而家最起碼係政府一定唔比D樓價跌, 但我估都唔會話大升. 宜家個價太高, 好多人都唔太想買樓住. 我估可能會調整下先. 所以你把握呢段時間, 慢慢睇, 當星期六日節目. 我有信心你實買到, 不過小心D揀囉. 努力啊...
      • 檢舉

        Beautiful Life 2009-10-26 19:08

        好多謝你啊!

        我覺得我呢方面真係好需要他人的支持和意見,因為我都係心大心細,唔知點咁.好彩有爸媽和一個朋友陪我去睇左好多樓,行到累死.又俾意見我.我先覺得自己有D希望. 原來買樓做決定真係好辛苦!

        檢舉

        Swedish Hongkongese2009-10-28 05:14

        係呀. 其實有人陪你傾下好D既. 買樓過程真係好繁複架, 除左要煩錢銀上既野, 另外由睇樓到落決定, 之後搵銀行做按揭, 搵律師搞法律上物業既買賣手續, 然後驗樓到裝修, 置家具, 執野搬屋... 真係大把野你煩. 不過擁有自己既家, 又好開心既...
         
      • 檢舉

        Beautiful Life 2009-10-26 00:33

        其實都真係幾令人煩惱的一件事,我覺得我買到真係要好好好有緣份囉.好似生仔咁,好似好艱辛同埋要好大力.希望我唔會好快放棄啦.

        檢舉

        Swedish Hongkongese2009-10-26 04:59

        當然要付出好多心機同時間啦, 話晒一生人唔會買好多次樓. 買左之後可能同佢長相斯守架喎.

        如果你放棄即係你未適合買樓, 咁等你準備好先買囉. 買樓呢D野要付出好多精力架. 追尋夢想唔係咁易架, 妳努力啦! 加油!
      • 檢舉

        Gael 2009-10-26 00:26

        變獨立屋 Good idea!!!!!!!! 快D叫四叔請你返香港做野先
        檢舉

        Swedish Hongkongese2009-10-26 04:55

        我有諗過係地產界發展架! 以前我得閒無事做就同屋企人去睇樓. 睇下人地D家居設計呀咁. 哈哈哈.
      • 私人回應 檢舉

        這是私人回應
        檢舉

        這是私人回覆
      • 檢舉

        玄仔 2009-10-25 11:27

        Hello~文章可以借我引用一下嗎?
      • 檢舉

        好奇的阿拔 2009-10-24 19:54

        嘩, 上瑞典報紙咁威水呀?
        學報紙話齋, 入去做菲傭住工人房, 仲豪過你住半山...
        檢舉

        Swedish Hongkongese2009-10-25 02:11

        威水? 都唔知叫唔叫威水. 人地以為投資香港好貴, 無人敢黎...
      • 檢舉

        歐陽 2009-10-24 18:01

        44層變左有88樓..?well,.then,next time,another may call 888 floor la!!!
        檢舉

        Swedish Hongkongese2009-10-25 02:07

        可唔可以改左個樓層叫地庫十八層送比人?
      • 檢舉

        長腿妹 2009-10-24 13:14

        忍不住想跟你說一聲加油，也祝福大家每天都能開開心心。

        　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　
      • 檢舉

        法克 2009-10-24 09:04

        以這種社會情況發展下去，60樓下一層樓即變39樓，我們的下一代，大概會不知道「腳踏實地」為何物了﹗

        檢舉

        Swedish Hongkongese2009-10-25 02:06

        我覺得宜家香港呢一代無左以前香港人嗰種刻苦耐勞既性格, 淨係識得怨天尤人.
      • 檢舉

        雪雪 2009-10-23 22:04

        你的部落格感覺很好,祝你開心喔

        　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　
      • 檢舉

        灌籃高手 2009-10-23 21:12

        辛苦了！祝福你愈來愈好！

        　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　
      • 檢舉

        Beautiful Life 2009-10-23 21:04

        發展商為左推售,乜都做得出.我覺得有d無聊, 不過好多人就係咁鍾意玩數字遊戲.我淨係care我幾時可以買到樓咋.

        檢舉

        Swedish Hongkongese2009-10-25 02:05

        買樓呢D野唔急得架. 要合眼緣, 要等時機. 不過我深信你好快就可以有你自己理想的家!
      • 檢舉

        Gael 2009-10-23 17:52

        幻海奇情乎
        檢舉

        Swedish Hongkongese2009-10-25 01:59

        不如試下唔要幾多樓, 間間整個獨立門牌, 扮獨立屋.
      • 檢舉

        echo chow 2009-10-23 12:42

        雲梯....打錯字~~
      • 檢舉

        echo chow 2009-10-23 12:41

        呢個真係好好笑~我想知道火燭時點算~同人講我住88樓,清防員可能話雪梯冇咁高,自己跳落來??
        檢舉

        Swedish Hongkongese2009-10-25 01:58

        好有型, 88樓跳落街. 哈哈哈.
      • 檢舉

        祝褔小天使 2009-10-23 09:10

        呢啲忌諱嘢應該針對大陸豪客囉，頂，香港人邊買得起呀﹗
        檢舉

        Swedish Hongkongese2009-10-25 01:57

        我覺得香港人有錢都唔會買佢, 七萬蚊一呎, 買山頂獨立屋都得!
      • 檢舉

        噢! 地利 ..Oh!tria 2009-10-23 04:39

        44層變左有88樓係咪由水平絲數
        檢舉

        Swedish Hongkongese2009-10-23 05:12

        原來無44層添呀. 得40層咋...
      新增回應