29.11.09"

-口-"今日一朝早都起咗身啦!(都唔係好早..8:00am)因為我今日要去---返‧教‧會..我好少返教會架,不過今次我姨媽請我去,我又得閒,咪去囉!(其實都要背書..)我同呀媽一早去咗沙田食早餐,,去咗一間叫Olivea嘅店食早餐。d早餐超好味丫!不過勁貴,$28一個早餐,有d 30幾40...之後都去佐敦返教會(好遠")10:15am响佐敦等埋我姨媽就去聽啦!
  初初我地玩遊戲,之後唱聖詩等等..不過最令我深刻嘅係一個姊妹嘅分享;
  佢細細個比佢哥哥性侵犯,話比佢媽媽知,佢媽媽唔信佢,所以令到佢好憎佢媽媽,咩都唔順佢意,又好討厭d男仔。佢漸漸係咁壞,識埋黑社會,又逃學。當佢F.3個時,佢開始悶,佢問自己係咪以後都要咁,佢當然唔想啦,佢就去轉校。佢轉到一間好遠嘅學校,係新學校入面,佢識咗個老師,帶佢返咗教會,相信天主令佢再冇咗憎恨,佢都遠離黑社會。但係有一次,佢遇到一班女仔,晤佢識唔識一位江湖大佬,佢話識,班女仔就帶咗佢去,後樓梯。佢估到個一班女仔會打佢,心裡面忽然視起聖經芋一段,就响心裡叫[主啊,救我。]點知去到後樓梯,佢呀哥黎咗,叫佢返屋企食飯,班女仔見到佢呀哥,即刻驚到走咗。佢以為佢呀哥知道咗佢去過黑社會D事,返到屋企即刻喊住同呀媽講對唔住,但係佢呀媽冇怪佢,反而,佢呀爸聽到,竟然為佢喊。佢第一次見佢呀爸喊,佢個一即忽然醒覺,就開始覺得佢唔可以再係咁。
  到宜家,佢相信咗天主,因為佢深信係天主幫咗佢。雖然佢宜家個呀媽患咗CANCER,不過佢都有放棄,一直响佢呀媽身邊部佢,都令佢呀媽相信天主。

我記得嘅大既係咁,其實佢講個時個樣有咩點唔開心,但係我就好驚訝...不過,原來相信天主真係可以幫助人。