沖繩旅遊日記 -- 海底觀光船 + 萬座毛 + 名護鳳梨園

第三日嘅行程, 大部分都係喺沖繩島嘅北面. 因為由那霸市去北部嘅車程要一至兩個小時, 所以呢日係最早morning call嘅.... 好似係6:45am, 其實都唔算好早, 可以嘅, haha!

第一站係沖繩海岸國定公園, 喺旅遊巴士上我哋個個都闔眼瞓, 沿路應該錯過左唔少欣賞海景嘅機會.



嚟到海岸國定公園, 我哋要精神抖擻!! 事實上猛烈嘅陽光刺眼非常, 就算戴左帽同太陽眼睛都要咪著眼, 個人咩都醒晒!!

沖繩嘅沙灘真係好靚, 那一片藍同清澈嘅海水令人覺得好舒服!! 玩水上活動就最好不過!!!










好大嘅水上三輪車!!!




嘩, 住係呢間酒店就正喇!!!!







影完相之後, 我哋就去左搭海底觀光船....


就係呢隻船喇~~~





船嘅中間有一個可以望落水底嘅玻璃窗, 我哋圍住排排坐, 開始時只係見到d石呀, 珊瑚, 海參, 海星咁, 之後一有魚出現大家都好興奮!!





some videos:


船上有得買魚餅乾, 100yen一塊....



上船之後行過水上用品店....




好得意嘅水抱同救生衣~~~

附近仲種左呢d代表沖繩嘅靚花....


下一站, 萬座毛 -- 當年王菲拍戀戰沖繩就係喺呢度取景.

相傳18世紀琉球國王路經此地, 驚嘆呢處有一片可以容納過萬人欣賞美景嘅綠色野原, 所以就稱之為萬座毛(毛=野原).


象鼻一般嘅懸崖峭壁...





可能係早起嘅緣故, 我哋好快就覺得hungry...

lunch去左呢間苦瓜屋 -- GOYA HOUSE....




不過相信因為好多團友唔食苦瓜嘅關係, 我哋並唔係食苦瓜餐, 而係豆腐窩定食. very yummy!!!!! 右面嘅豆腐湯好好味呀!!!!




午飯後, 我哋去參觀菠蘿園~~~ 記得沖繩嘅特產係菠蘿嘛?!




大樹菠蘿!! 真係第一次見!!


我哋排隊搭菠蘿車車, 好得意!!


菠蘿車車玩具版, 700yen~~~


菠蘿車車會帶我哋氹氹圈圍繞菠蘿園遊一周, 讓遊客了解菠蘿種植嘅過程....

呢d菠蘿車車係無人駕駛架, 但地下亦都冇鐵路軌, hmmm..... 我諗應該係地底埋左磁石, 用磁鐵原理帶動車子滑行...






原來菠蘿係由下向上生長出嚟嘅!!! 係菠蘿嘅底部(而唔係葉)連接住植物莖部架!!

d菠蘿好迷你, 勁得意!!



仲有d紅色菠蘿呢!!




走出菠蘿園, 我哋又去到避都避唔甩嘅魔鬼聖地!!!

佢哋提供菠蘿酒, 菠蘿汁, 菠蘿蛋糕, 菠蘿曲奇, 菠蘿乾, 仲有新鮮菠蘿任食唔嬲!!! 咁熱情招待真係唔買番d都唔好意思啦!!! (好一個藉口!!)

食物之餘, 仲有勁多cute爆嘅電話繩同公仔!!!! omg..... 我被攻陷了!!! 點忍得住唔買個菠蘿仔返屋企呢!!!!



嘩, 呢篇blog好長喇, 下半日行程留番第二個blog entry先講~~~~