坐輪椅的一天

原來定好了減肥計劃, 打算一星期有幾日放工去跑跑步, 星期三跑了一次, 噚日打算再跑啦, 點知一起身就發覺腳趾公發大左, 不過都冇損去跑步o既決心, 但係下午開始, 就發覺腳踝位置開始痛了...天啊, 點解你咁殘忍架

放工了, 感覺到痛o既情度開始升級, 不過仲行得到, 唔係太緊要, 約好左朋友在葵芳等, 點知佢又遲到, 等左差唔多半個鐘, 我又行又企, 務求隻腳唔好惡化, 點知都冇用, 去到運動場慢慢行左一個圈warm up 下, 行完已經無法再行了, 唯有坐o係場邊等朋友跑完再去搵小靈子食飯啦~~

當要離開那剎那, 發覺隻腳已經行唔到喇~~~~~痛!!  但唔行又唔得, 唯有逐寸逐寸慢慢行啦, 行去葵涌廣場原本只需5分鐘, 宜家差唔多半粒鐘呀~, 原本想唔食飯就走, 不過又肚餓又要等小璘o黎扶我返屋企, 唯有去食下啦, 食完之後, 又係離開時起唔到身, 痛到眼水都標埋出o黎.......坐村巴返到屋企, 落車真係辛苦到呢........今次真係無法行返屋企, 已經唔郁得喇~~~原本小璘想背我返屋企, 但係大家都一袋二袋, 點背呢??  好彩見到架巡邏車, 唯有問下可唔可以車一車我地返屋企啦, 好彩得咋.....如果唔係都唔知點算~~一直以o黎都好想坐下呢部高爾夫球車的巡邏車, 估唔到真係比我坐到, 不過我情願唔坐了

返到屋企, 行去邊都要坐住張有"碌" o既椅, 好痛苦~~真係擔心第二日點返工, 不過真係唔想請病假呀, 因為星期六放病假一定會比人話啦, 而且那隻金英o岩o岩放左兩日病假, 佢地一會話我鬥氣啦...., 唯有灌左一大杯中藥同貼下d 阿婆藥膏貼, 希望聽日會好d 啦~~~

今朝起身, 一d 好轉都冇.....都唔理得閒言閒語太多喇, 打返去請病假啦~心情真係唔多好~~~不過小璘又講得o岩o既, 做野對得住自己就得啦, 唔駛理人o既.......但係佢真係唔知咩叫人言可畏, o係我地部門生存, 真係唔係覺得對得住自己對得住人就ok咁簡單

今日o既生活, 就係一整天坐住仿輪椅周屋走~~~