美麗誘情

香港對外國片既譯名，幾時至可以擺脫娘味哩?

套戲講二次大戰、英國、歌女、詩人、軍人、四角戀.........炒埋一堆應該色香味一應俱全可歌可泣浪漫滿瀉。

係，海盜女係人靚聲甜，強而有力既腮骨權骨加上訓唔醒既眼，唔算靚女但總算有種骨感美，不過全戲只得佢一個努力撐場撐起兩頭家確實好辛苦，不如改戲名叫貼錢買難受好過....... 我指海盜女同觀眾。

而套戲橋段根本上只係一條雞虫dap舊菜既老土故仔，加埋d 鬆郁蒙火爐隔離開波既love scene 擺到明係索女喪屍機關槍類既 B級CULT片橋段，簡單又行到冇人有，咁計的話，戲名應該叫做我的四角十分愛，好冇? 定係因為佢有漫天既戰火天彈橫飛血肉模糊，改做珍珠港之風火情天七重天好D? 但最後一場又有蓄意殺人既場口喎，不如改做愛爾蘭離奇槍擊情殺案之案中案 ?

越講越遠，因為套戲真係帶唔起我既情緒，我唔明四角戀點解拍得咁鬆散，完全缺乏張力，只係兩女共侍一夫困係愛爾蘭一間小屋內玩3P而己，兩位女主角之間既友誼亦唔見得特別深刻，冇乜特別友情可言囉。

總括而言︰好在我只係用40蚊買飛入場睇。
可能係近年我鐘意睇劇情片，愛情片來說總會看得抽離得很，總覺得沉悶乏味，又可能係我根本不相信世界真係有咁ON居既人 (逃避現實中)

講完。