忙到爆

踏入咗2010年已經忙到死啦, 想放假又心掛掛, 啲嘢又鬼咁多要做, 想偷啲啲辦工時間嚟發表吓都唔得, 夜晚返到屋企就更加唔想再開機啦, 所以就停咗幾日咁多啦, 雖然係忙但係我都會搵啲節目嚟中和吓嘅, 其實咪又係行街同睇戲, 最近係想睇阿凡達好耐, 但係次次想買飛一係就好多人排隊, 一係就得番頭2,3行位, 咁前嘅位, 唔收錢我都唔要啦, 所以就攪咁耐都未睇, 終於搵到啱位同時間睇, 約埋朋友仔一齊睇, 可能係太大期望, 所以就覺得無想像中咁好, (其實啲3D效果係做得好好, 故事都無問題)不過睇得太耐真係好頭痛, 可能唔慣帶眼鏡, 所以好辛苦好難再投入去, 而且我個人覺得套片係過長(可能又咁啱係唔方便嘅日子), 攪到我勁頭痛,返到屋企9秒9秒就瞓, 今日先叫好小小, 下次如果有3D嘅戲, 真係要唸清楚先入場睇, 有小小貼錢買難受