8月27、28日澳門同人節!

第三屆同人節決定!
對於"唔知今年仲有冇ge同人節"等等ge說法，我本身的確有點介意。

單單咁講一句，等於對我冇信心,對澳門同人冇信心。
對於唔了解"同人"ge動漫迷，我感受到多多少少ge敵意..澳門ge"同人"真係咁失敗嗎?
"令人了解、認識同人"成為我近年ge目標，唔係懶偉大，作為同人多多少少係自私ge出發點。
而付出的，我唔求要所有同人滿足，只希望令"同人"出現一鼓動力。
同人能否滿足，唔係我可以用行動做到ge事，最終都要睇同人用咩心態去同人活動。
同人節可能因為我帶頭所以搞得唔好，但係我作為同人，應該話所有同人，都會認為好過冇。

而我仲可以承受幾多次壓力去搞活動呢?係咪我唔搞就冇人搞呢?
我都希望有人可以好好地搞一個"同人活動"出黎比我睇。
但係對於澳門呢個地方、甚至中國大陸，"同人"同"漫畫"掛的鉤太緊，解極都解唔開。

我希望一般人知道，甚至同人知道:"同人"係指一班志同道合ge人，做自己喜歡做的事，或者為喜歡的事而做一些什麼的。

畫漫畫係最普遍的表達方式，所以"同人"中好多都係有漫畫ge成份。但係"同人"並非屬於漫畫ge一部份。
cosplay、整game、唱歌、作曲甚至跳舞，只要係為左做喜歡做ge事，或者係因為睇過某一套漫畫、動畫，玩過某一個遊戲，聽過某一首歌，用自己ge作風、善長ge技能表現自己ge熱誠，呢個就已經係"同人"。

"同人"唔會將作品"商品"化，亦都係"同人"ge一度特有ge光輝，而我，就係希望大家感受呢種光輝。
就算澳門出現一個成功的"漫畫界"，我都會支持同人的力量，但係同人們一日唔知自己ge身份，一日都係唔可能滿足。

而我作為同人，澳門有同人節已經心滿意足。