非禽走獸

上星期六第一次同C結伴看話劇, 可能呢個組合實在太難得, 竟然應了 “貴人出門招風雨”.  嗰日掛著三號風球, 我倆冒著風雨, 抵達目的地.  估唔到鑽石山咁大風, 原本五分鐘的路程, 我倆花了十多分鐘才完成呢!

第一次接觸荒誕劇, 原來是那麼難明的.  可能太超乎常理, 所以一時間很難吸收.  “非禽走獸”內有五個故事, 我和C最喜歡的是“悲劇”, 因故事較淺白, 而觀眾對此故事也最有反應.

不過, 後來透過導演的導賞文章, 慢慢地感受到當中想要表達的東西.  “平等 – 博愛”中那兩個演員扮雀鳥和狗的形態很神似. 扮雀那位在天上展翅, 而狗則在地上爬行, 暗示了雙方不平等的地位, 但博愛呢個主題, 我還是不太掌握得到呢!!

“悲劇”中, 我很喜歡以繩索互相牽絆來帶出夫妻間的角力關係.  演員給人的感覺很有energy, 特別是丈夫很肉緊用手指數出四個很想講的字, 那個動作很powerful.  當知道那四個字是“中場休息”時, 大家不禁拍案叫絕!!

“莫尼克”中演員現場演繹的台詞很少, 透過背景對白演員做出不同的表情、動作, 而觀眾便要從心出發, 用心去感受.

“星期天”內演員蒙眼演出, 全憑感覺做對手戲和唸對白, 很厲害呢!!  或許我們以為自己已看清的事物, 其實根本從未正視過呢!

“美國”兩個演員手持一枝燈, 互相照射, 像在告訴我們, 人看事物往往由自己的角度出發, 只照到別人的缺點, 而看不見自己的弱點.  我很喜歡那個剪影的效果.

總的來說, 整個演出演員賣力的演出令觀眾留下深刻的印象.  呢個演出我與朋友都有一個同感, 雖然唔喺睇得好明, 但我地睇得很專心, 而每個故事總有某些地方吸引你, 令你覺得有趣!!

因為有贈劵, 我和C接著看了另一齣戲 – “愛情萬歲”.  當中許願的演出最出位, 而洪卓立則給人點點驚喜.  與先前的話劇剛好相反, 整套戲我倆都看得明白, 卻不知為何不是看得太專心.  之後, 我問C套戲好不好看時, 竟然引用了“悲劇”的對白:

A:  套戲好看嗎?

C:  “好” 字, 我實在講唔出

A:  咁不如講 “Wow…”

C:  “Wow…”都講唔倒, 有啲野唔想講, 點逼都講唔倒.  我突然好明“悲劇”中丈夫的感受.

A:  咁笑吓又如何呢?

結果我與C相視狂笑呢!!