"夫人小學" 開放日 9.9.06

可能心情有  d 緊張，成晚都唔係好訓到。到 8 點就起身，首先做個靚靚 mask，再同細家姐 sms。知道佢家姐同天天今日都會去喎，好呀，有個伴！約好左時間就地鐵西鐵再輕鐵，準時去到三聖恆福搭旅遊巴。

架車除左 2 個 ta 就只得我地 3 個，沿途經過黃金海岸就問返天天上次佢去沙灘 o既情況，10 分鐘到就去到 「博愛醫院歷屆總理聯誼會鄭任安夫人千禧小學」。一落車就好多老師係度 "歡迎歡迎"，我地行下行下就去左雨天操場睇 board。跟住就見到小 be  啦，佢叫天天做 thomas，但係天天唔識應喎；我同佢打招呼，佢又叫我細細妹喎，好親切 ... hehe。全程小 be 都帶住我地參觀，仲介紹哂俾細家姐 d 同事識。間校舍 d 設備又真係好正喎，難怪天天話 "我想去夫人小學讀"。(其實我都想架  ) 行完就去左禮堂聽校長講 talk，臨散場時落大雨喎，等埋細家姐就一齊走喇。

我地去左屯門吉之島 food court 食 lunch，本想係果度買埋夜晚打邊爐的料，但係實在冇咩心水，所以後來都係去返元朗百佳。搞掂都 4 點幾喇，各人今朝都早起，所以都趕住午睡喇。訓左個幾鐘再去惠康買 d 野就上佢家姐屋企喇。

今晚好豐富呀！有竹蔗茅根湯底再加肥牛、小丸子、菜，仲有蝦同花蟹添！d 野好好食，又可以慢慢享受，真係好滿足。洗完碗睇多陣英文故事書就返屋企啦。