網誌分類：狐狸玩物 |
圖片
網誌日期：2009-09-10 23:50
今日原本約咗毛毛去睇豆豆鞋，但係因為見落雨，所以放棄咗去睇鞋，直接同毛毛去我地嘅至愛 － 壽司（老公後黎都加入埋，三個人去食）！
食完壽司，我地就同毛毛分道揚鑣，老公話想買對行山鞋，所以我地去咗 Sogo 到行！上到運動部，老公睇中咗 Reebok 一對行山鞋，價錢都幾合理，喺佢試緊嗰對行山鞋嗰陣，俾我見到同款有對女裝，隻色仲 sharp 過對男裝，見到佢咁吸引，搞到我又想買埋一份，但係我地而家又少咗行山，買咗又好似有啲浪費，所以決定唔買女裝，只係買男裝！
到俾錢嗰陣，sales 哥哥話買夠 $400 有個 Reebok 水樽送，老公見到個水樽都幾靚，又諗住可以去做運動時用，老公原本睇中咗一個背囊，但係老公見我咁鍾意對鞋，所以最後佢話買埋女裝，咁可以配成一對喇 
！
老公嘅青色行山鞋
我嘅橙色行山鞋
我地嘅情侶行山鞋
老公想要嘅 Reebok 水樽
Lomy 2009-09-18 09:40
又買野!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! (我都想買野, hehe...)
d顏色好鬼你地, 一睇就知對鞋係你地嘅!
仲有, 一個水樽就tum到你地買多對鞋, 咁易sell架你地!
Da Da2009-09-18 09:53
買喇買喇,買嘢好開心架
哈哈,咁都睇得出係我地,勁, 都唔係咁講既,唔係成日都會 meet 佢啲 target 架