一田購物感謝日

呢排係一田購物感謝日 ，見今日無乜特別嘢做，所以就同老公去咗一田到同其他人一齊湊吓熱鬧！

去到一田，當然係見到人山人海喇，原本我想去 supermarket 到行，不過實在太多人，而且我地今次去一田嘅主要目的係要買一個高速煲／真空煲，所以我地就轉戰家品部！

估唔到家品部都超多人，不過佢啲價錢確實好吸引，我地先見到老虎牌有個真空煲一千大元有找，仲要再送保溫壼添，超抵呀，之後我地見到魔師都做緊減價，雖然價錢係較老虎牌貴，但係因為佢較為出名，所以我地最後決定買魔師真空煲！

我地買咗一個 4.5 公升嘅真空煲，佢送多一個 3 公升嘅內膽煲，另外再送多一支魔師牌＂砂粉＂，另外佢仲可以加多 $88 換購一個萬用鍋，原本見屋企太多煲無諗住換萬用鍋，但係諗深一層佢話哂都係魔師牌，如果唔係因為感謝日，呢個萬用鍋應該價錢唔平，而且見佢有個架專用黎烚蛋同埋有個煮麵既籂，所以最後都換購埋佢，加埋都唔使千五蚊，都算抵呀！

魔師真空煲

真空煲加萬用鍋

真空煲實物

真空煲加額外送嘅 3 公升內膽煲

3 公升內膽煲

換購嘅萬用鍋

幾多＂分唇＂，果然係萬用鍋呀

呢支就係送嘅魔師牌＂砂粉＂

買完真空煲，由於太多人，加上個煲都有一定重量，所以我同老公就打道回府！返到屋企，我地即刻開個真空煲黎煲湯，今次先黎試花旗蔘螺片瘦肉湯，先煲滾所有材料，之後就放入真空煲煲三個鐘，三個鐘後再攞番出黎再整番熱，加鹽就飲得喇，啲湯都 ok 好味呀，而且都好方便，有咗呢個煲，以後就可以有所謂嘅＂老火湯＂飲喇！

製作湯水中

P.S. 今日係兔兔同李奧結婚一週年紀念呀，喺度祝佢地日日都開開心心，快快樂樂 ！