休息日

連老公都串我...駛唔駛逢星期日都係電視前睇"超級巨聲"同"亞洲星光道", 無論即時睇抑或錄左當晚再睇!仲話我勁添!

佢初初都有陪我睇, 不過... ... 一早已半放棄狀態la...無再堅持睇...兼且串我有無咁多毅力同精神追哂呢兩個台既歌唱比賽添, 真係比佢激死!

由於我從小都係睇慣無線, 差d投入唔入亞視既"亞洲星光道", 由第一輯第一集睇到第二輯呢個moment... 終於都融入到la!  我覺得"亞洲星光道"既節目節奏好過"超級巨聲"la..起碼無咁"做馬", 值得平反!  而"超級巨聲"雖然追左咁多個月..終於下星期日會知道邊個攞冠軍咁lo....無恆心都追唔到最後呢!

今次恭喜亞視終於可以吐氣揚眉la, 唔好次次都比大台威哂! yeah!