柏林馬拉松2009後記慕尼黑上篇

2009年9月21日:

乘早機去慕尼黑

首先去最熱鬧既marienplatz, 呢座係廣場標記, 每日有2-3個時段, 鐘樓果度話有表演, 我地適逢都遇到, 真係好多人企係度等, 以為正啦: 個表演係大鐘下隔咗鐵絲網d人仔同馬仔會'旭', 一路轉吓轉吓有d音樂攞, 一'旭'd當地人已叫出嚟我地既評語係:自己應該無咩品味...

不過都叫見識吓

而且附近大把野行, 首先去咗個食品市場食熱狗. 唔知點解佢地d熱狗係鍾意條腸長過個包, 咁新鮮熱辣梗好味, 又係標價2蚊最後3蚊收場...

食品市場每個攤位都好有特色, 而且真係有種外國feel, 好似芝士同花舖, 未到halloween已有大大小小的南瓜, 好別緻, 我唸聖誕節一定重精彩

食完野就自由活動, 因為附近全部都係店舖! 不過, 放心, 就算d野唔係咁貴都唔係我條蟲, 所以行咗陣去附近教堂望吓

嘩, 靚唔靚呀! 雖然我無宗教信仰, 但我都好鍾意歐洲d都堂. 最後悔係之前無溫書, 原來下面呢間可以俾少少錢上天台, 望周圍d建築物景色

跟住返去酒店checkin, 又係4人房, 今次重$3000蚊一晚, 點知, 基本上係間2人房加兩張床, 我唸就算大陸都係加一張床姐, 不過無計, 可以點呀

到傍晚又由酒店出發, 去Oktoberfest啤酒節

係地鐵出咗黑mengmeng, 我就出名係一個路癡, 日光日白都分唔到方向, 佢地都要攞個地圖出嚟, 跟住, 唔駛啦, 對面見到好多穿住巴伐利亞民族服裝既男女老幼向住同一個方向, 好似我地去年宵市場咁, 無錯gar la.

要係度hold住先, 因為, 我重未識影夜景而且大家都贊成過2日中午再來!

所以又走返去marienplatz, 點解? 因為去食德國豬手攞! 之前咪話邊個pb得最多請大家食一餐, 咁食德國名菜就最啱啦.

記得1-2年前係香港食過德國菜, 所以知道佢地依家出名的做法係炸豬手, 睇見隔離咁大碟, 我地叫3隻豬手同一碟沙律, 同埋2杯啤酒

無錯, 係2杯啤酒, 所以我同'細佬'咪借佢地果2杯影吓想攞

食完脆脆德國豬手, 成為40歐羅, 等我埋單先