五天的韓國 (一)

同老喵報左五天韓國團，公眾假加大假有五日假，用盡佢！去！

放工後，回家收拾行李，出發。

凌晨機，又穩靈魂機。真係搭到死死下。有氣流都訓到唔知。可能我搭慣亡命小巴。

到步，第一個景點就係Sea La La 漢蒸幕，因為時候太早，所以話俾我地休息下先，桑拿，溫泉，睡覺，主要係回魂。

第二景點，七樂賭場，好細，唔好賭既我，都用了30000圜。

沒有賭術，賭運，我還是收手了。和老喵行行好過。

第三景點，南山公園，好好好靚，鳥語花香。

原來，我們真的很喜愛影花。

第四景點，韓屋村，係一個韓國博物館咁。又係好靚。無乜人，可以慢慢影。不過得45分鐘，真係唔夠脾。

簡簡單單的第一日就差不多完了。吃了飯後就回酒店。

膳食OK，不過同團團友有D真係好浪費。反而酒店好好，好大好新淨。比報名時個職員同我地講既相差好遠。