二月物語

上學期話咁快就完啦。二月頭又開始再戰試場。到時果戰機功課，手炸彈測驗一定好似暴雨咁轟炸我。

唔知點解，學校成日都要係二月十四依個情人節日子返學。搞到失哂預算。好彩老喵都通情達理，唔會要我走堂培佢，仲會繼續支持我！

二月，係一個非常忙，但好開心月份。

農曆新年，多數係二月，要打掃屋企，買年貨…等等。但新年氣氛係我最愛。因為有假放，仲可以一大家人食飯。所以多野做都會好開心。

情人節，係好難搞日子，但對我同老喵又係一個好特別及值得記念日子。雖然我地唔想食什麼情人節餐，因為覺得好貴同唔係太好味。花，老喵叫我唔洗送俾佢，因為佢覺得太浪費金錢。但我之前都有送，今年送唔送呢？想給老喵有一個美妙情人節，又唔令佢覺得破費。點好呢？？？

老喵生日，要諗好多野。生日禮物，生日活動，食飯…等等。雖然老喵話唔洗太搞大，又話諗唔到乜禮物話可以delay。但我都好希望老喵可以開心快樂咁過生日。因為當日淨係我同老喵日子。當然還有妳屋企人啦！

老爹因為上海大風雪，所以要delay返落黎香港食團飯，搞到老爹唔多高興，真係人算不如天算。希望快雪過天晴啦。