第一次見家長 !

估唔到番左學 2 個月就有第一個家長日 , 雖然 mami 都經常都有搵 miss choy , 施老師傾 cash 既問題 .... 不過 offical 黎講今日呢個真係第 1 個家長日, 我同 daddy 都好希望係 miss 口中了解下 cash 學校生活如果 lor

4:20 我地就到左學校 , 係因為之前無通知學校或者校車會親自接 cash ..... 所以都係早一 d 到比較好 , 一去到課室真係唔見 cash wor  miss choy 好好人即刻幫我地打電話 call 番去校車部截住 cash  , 而我地又行番出去搵 cash .... 果然係我地未到老師已經拖住 cash 番黎 , 真係麻煩哂 miss choy !

因為我地既時間係安定左 4:45 開始, 所以 miss choy 4:30 先開始同其他家長面談 , 但佢好細心先比左 cash 既檔案睇下了解下先 , 一打開個 file , 估唔到製作都幾精美架 ~~

封面有小朋友既相

入面有佢地日常生活既相片

仲有 d cash 既小手工  

根據 miss choy 同施老師講近呢 2 星期既 cash 情緒好番好多 , 同埋開始適應番學校既生活啦  而 cash 既性格係好鐘意表現自己 , 所以 miss choy 考慮比佢參加 "朗誦" 小組

另外 miss choy 亦摸索到 cash 有一個問題 ~~ 係唔可以受責罵 , 鐘意比人稱讚 呢 2 次係全班同學前稱讚 cash 後 , 近日變得都非常合作 ..... 仲有上堂而家留心左, 亦都無再周圍行啦 !   整體對英語同普通話教學都了解同明白 , 跟上進度了

另外 miss choy 仲比左 2 張 cash 係 9/30 party 既相我地 !

( 原來學校係安排只哂每一位學生 2 張相比家長 , 而每張要 $ 3  ) 甘我明白點解 miss choy 另外再 copy 番幾張相我啦 , 真係多謝哂 miss choy  如果唔係 , 我地根本都睇唔到個幾張相 ! 另外更驚喜既係 miss choy 仲好主動寫左佢個手提電話比我 , 叫我有咩問題都可以打比佢 ...... 真係好感恩 cash 再一次遇到一位好老師 , 之前係 n 1 有藍老師 , 而家就有 miss choy , 希望 cash 好好享受 k 1 既學習生活啦 !!

其實從平日觀察 daddy , mami 心中都知 cash 好鐘意番學 , 亦都好鐘意 miss choy , 不過唔知係唔係 10 月份提早左 1 個鐘番興趣班再加其他原因而日日都話唔番學   而家 11 月改番 4 日之後就回復正常啦 ...... 希望一路會維持落去啦