名師系列示範班(一)-----甜品示範課程及烘焙愛好者聚會by Johnny Chan

賞味坊嘅第一個cooking class <甜品示範課程及烘焙愛好者聚會>已經喺10月31順利完成,我代表賞味坊多謝Johnny大師嘅精彩demo同埋各位同學嘅支持,以下係當日盛況嘅報導:

Johnny喺黑板留低嘅自畫像同埋親筆簽名

睇吓當日幾墟冚!

Johnny好細心地講解每個recipe嘅步驟,仲教咗大家好多整蛋糕時要注意嘅細節同埋貼士,相信各位同學都獲益良多

就算坐喺後排嘅同學,都可以好清楚咁喺projector screen睇到Johnny 嘅示範

究竟大家"捕"住個焗爐做咩呢?

原來係睇梗裏面焗梗嘅柚子蛋糕 (P.S.如果有聽書嘅同學,應該記得Johnny講過整完個蛋糕後要擺一晚,等佢入味d會更加好食)

當日Johnny仲請咗2位同學幫手做朱古力薄脆蛋糕。睇吓!我地嘅同學仔都好pro架;梗係啦,名師出高徒嘛!

Demo完後,當然係tasting time啦。依3款就係當日嘅完成品,包括醉酒樱桃杏仁蛋糕、君度柚子蛋糕同埋朱古力薄脆蛋糕。

而最後,當然係唔少得攞住呢次demo嘅recipe book俾偶像簽名啦!

報告完畢! (大家如果對當日嘅demo有任何comment,好歡迎上嚟留個言俾我地架!)

後記: 我知道有好多blog友可能有事或者要返工而miss咗依班,不過唔使擔心,因為依次只不過係名師系列示範班嘅第一炮,嚟梗賞味坊會陸續舉辦更多嘅名師示範班,有關嘅details最快會喺下個星期update大家,記住密切留意啦!