我的大頭媽咪

大頭原來同大頭蝦真係有關嫁...我媽咪就係人版...大頭蝦事件一籮籮..仲要係我考試至嚟傻~

事件一：

星期二、三考嘅認字，竟然唔記得幫我溫習，發現嘅時候已經係星期二晚...從來唔幫我溫習嘅媽咪到le一刻至發現原來我有幾個字唔識..咁米即時教返囉..包括：蒸、氣、健、康，醒目囝最後都識返..到咗第二朝..臨入課室之前..仲專登再問多次..都ok無問題...GOOD!!..100分無走雞~ (凡親要寫嘅科目媽咪都知道我實攞唔到滿分,因為我d字總係鍾意出吓界至安樂!..咁就靠今個星期d認字科攞定一、二個100分看吓門口)..點知o個一刻至發現原來尋日已經考咗..仲有俾先生交叉tim!!

事件二：

繼唔記得溫習之後..又嚟一次溫錯習...英文係我嘅強項..所以媽咪只係好快就幫我溫完..我亦都全部識晒...但佢忘記咗佢只係幫我溫咗串讀o個d...無溫過其他唔洗串讀o個d...結果我第二日返學校又考天才....放學媽咪好有信心咁問我係米全部剔剔..咁我話佢知有個x...媽咪好唔相信..無理由嫁...全部都識喎明明..追問之下至知原來係唔識個seashell....媽咪話都無le個字...我就即時攞本書出嚟俾佢睇...吓~係喎...原來要嫁..再細閱之下至發現..如果真係只得一個交叉..真係還得神落囉..因為有幾個生字都幾深吓~

梓維:

你有個咁大頭蝦嘅媽咪..吓吓要你靠自己，真係對你唔住咯..我知道如果唔係媽咪嘅大頭蝦，你一定會100分嫁..因為媽咪對你有信心ma..而家俾小小教訓媽咪都唔錯呀!! 呵呵呵~記住唔好話俾爸爸知呀..如果唔係..佢分分鐘沒收咗媽咪部電腦，唔洗我掛住玩restaurant唔記得幫你溫習呀!!!多謝合作~