我既屋企人--我家姐

我家姐比我地兩兄弟大1年, 係最大0個個.

不過佢亦係最蛇gwea 0個個, 可能係遺傳老媽子既~ 嘿嘿!!

細個0個陣, 總係覺得老媽子偏心家姐; 去旅行又帶佢去,

佢想學乜就比佢學乜. 所以細個0個陣唔係好鍾意家姐~

我地兩兄弟成日都"恰"佢. 不過後唻大個0左先知, 就算老媽子偏心都係岩既.

因為3個入面, 最生性係佢, 最顧家既, 又係佢. 佢讀書從來唔需要老媽子操心.

3個入面, 學歷最高亦都係佢. 相反我同我阿哥, 細個讀書0個陣俾老媽子又打又鬧.....

都讀唔到咩成績出唻~~

家姐亦好錫我地2兄弟, 細個0個陣, 乜都會讓我地2 個玩先. 

相反, 我地2個就成日"恰"佢, 哈哈.....

頭先提到, 佢份人好蛇gwea (即係無膽鬼咁解).

就得有一年中秋, 我地去屋企樓下煲蠟 (0個陣已經話係唔俾煲蠟).

我同我阿哥一路煲, 佢就一路 "哦" , 話陣間俾人發現就死架喇.....

我同我阿哥梗係睬佢有味, 到最後, 梗係有指定動作--- 淋水!!

但係冇水咁點算呢!? 嘿嘿,

我同我阿哥就一人貢獻0左一0的我地身體唔再需要既液體, 然後......哈哈

0的火有成2層樓咁高, 即時引0左 幾個"食蕉" 注意!!

呢個時候當然係拔足狂奔啦, 個食蕉追過唻..... 我家姐就跟住我地走!!

最後當然擺脫0左0的冇用既食蕉啦!! 但係我家姐仲好驚咁問我地:

"死啦..... 佢地頭先會唔會認得我地架!? 會唔會拉我地架....... "

我同我阿哥都冇咁好氣睬佢, 然後行0左去~~

仲有, 我地打牌, 佢經常都係做貢獻既角色, 因為牌章最屎係佢~~!!!   =D

呢個就係我家姐喇!!! 哈哈哈